代溝關注組｜鼎爺爆曾被索百圍酒席加禮金 肥媽承諾新抱生B「全包養」

由區永權、張秀文主持的無綫清談節目《代溝關注組》昨晚（16日）播出第七集，節目請來李家鼎、肥媽及李麗霞做「長輩群組」代表，年齡總和是201歲；而「後輩群組」的代表有陳詩欣、蔡嘉欣、林正峰、楊潮凱及黎學勤，加埋150歲，兩個群組年齡相差51歲。嘉賓在節目中探討兩代代溝問題，今集主題是「四大長老矛盾爆發」，李家鼎（鼎爺）更自爆曾被苛索擺100圍酒席加上禮金，令他相當氣憤！

{{hket:inline-image name="tvb3.png"}}{{/hket:inline-image}}

同場加映：自認壞爸爸│黎諾懿入行18年明白機會莫強求 見MIRROR興起籲無綫勿故步自封

{{hket:ul-video id="4170"}}{{/hket:ul-video}}

四大長老指的是夫妻雙方的父母，楊潮凱在節目中表示自己會叫外父外母做「爸爸」及「媽咪」，肥媽即刻鬧他「冇嚟規矩」，她亦承認自己不喜歡兒子在自己面前叫外母做「媽咪」。後來楊潮凱亦解釋如果自己在四大長老同場時，會叫自己媽媽做「阿媽」，叫外母做「媽咪」，叫法上有些少分別。

{{hket:inline-image name="tvb5.png"}}{{/hket:inline-image}}

之後講到結婚要畀禮金的話題時，鼎爺自爆曾被要求擺100圍酒席：「曾經發生喺我身上，100圍酒席，仲要某個數目嘅禮金。你知我把口不嬲都好衰，我話你有冇咁多人嚟飲喜酒？你有冇100圍嘅人嚟飲先？有我包起你，（典）當埋底褲都得！」鼎爺說原來女家最後只係得10圍，「有剩90圍佢袋，有冇搞錯？有禮金連酒席都袋埋，係咪離譜呀？我話得！斷六親，你夠膽斷六親，我就靜雞雞畀你。」

陳詩欣亦表示自己聽聞有家人要求男方畀50萬禮金加禮物：「雖然最後有畀，但講明呢一世都唔會再同枱食飯，以後有咩事都唔會幫！」

{{hket:inline-image name="tvb2.png"}}{{/hket:inline-image}}

而問到肥媽如果新抱唔肯生仔，佢會點做？她就表示自己會𠱁新抱，𠱁自己個女，「我同佢哋講我會負責任，意思係我會幫手。我新抱一生完就幫佢買套票，叫佢去減肥。你生就得，完全唔使擔心經濟上問題，唔使擔心有冇人湊。」陳詩欣、蔡嘉欣聽到即刻話如果奶奶真係咁講，佢哋會即刻生仔，前者話會生3個，後者就話會生夠10個。

另外，鼎爺早前出席活動時嬲爆指《代溝關注組》其中一位女嘉賓語出驚人，除了寸他那一代過時外，更非常招積，又指女方提到「上晝相識夜晚洞房」的言論令人反感。原來該位女嘉賓是蔡嘉欣，在今集中兩人再度同場，不過交流就不算太多。

{{hket:inline-image name="8e4340147715954faee47fa4c9661879.jpg"}}{{/hket:inline-image}}

蔡嘉欣在接受傳媒訪問時為此事解畫，稱全是節目效果，當提到鼎爺好似有點生氣，蔡嘉欣表示監製話鼎爺冇嬲，「大家都係為咗節目效果！」至於她曾在節目中表示「上晝相識夜晚洞房」，蔡嘉欣強調只是聽聞，並非等於自己的兩性觀。

代溝關注組｜游嘉欣自稱「A0老處」被肥媽質疑 節目字幕錯漏百出 「代溝」竟變「代購」【下一頁】