張致恒瘦到殘過磅仍超重3.5KG 鍾培生怒吼林作嘲「精神失常」

由鍾培生主辦的《培生擂台：無敵盃2021 WE ARE CHAMPS 2021》賽事於聽日（18日）隆重舉行。除了林作和鍾培生拳賽矚目之外，另一場70公斤級別賽事由張致恒（Steven）迎戰知名Youtuber大J都有好多花生食，對戰前夕大J更喺網上大爆張致恒疑減磅失敗要求改賽制。今日Steven現身九展出席拳賽過磅儀式，現時佢體重為73.5公斤，距離合約中嘅70公斤仍有少少差距。

同場加映： 【娛樂直擊】《一起走過》10月回歸｜寶珮如接江美儀捧做新一輯主持 楊紹鴻碌爆人情卡 講明見好就收

{{hket:ul-video id="4182"}}{{/hket:ul-video}}

{{hket:inline-image name="41ef9dc4-83a2-4d2b-9777-a231411ee74b.JPG"}}{{/hket:inline-image}}

對於被指減磅失敗反要求大J增磅，Steven表示自己冇要求人去遷就自己：「今日我嘅磅數係做咗足大會畀我嘅指示嘅體重，你可以話（73.5公斤）未完全合資格嘅，係會有少少超標嘅，但就冇講到咁誇張囉。而且我係冇要求任何人去增磅，亦都盡我能力去做好我自己嘅每一部份，亦冇諗過將呢份工作變成政治成份或任何事，但對方係點我就唔知，只知做好我自己就得。」Steven指佢冇修改過合約，合約寫幾多，佢就做幾多。不過佢就唔肯透露磅數未達標會唔會被罰錢，亦唔肯講佢嘅酬金係咪夠「冚」佢債務。至於日前馮鎵瀠公開指佢終於還清$20,000，佢就表示：「正如佢所講還晒就還晒囉。」

而由於林作冇磅數限制，佢足足重鍾培生17磅，之後兩人對望影合照face off，當2人被要求再行近點時，林作笑說：「錫好冇？」但鍾培生突然獅吼大叫一聲，令全場頓時靜晒。林作表示好輕鬆，自認「大賽型」選手一出世就準備好；而鍾培生就感謝大家關注了拳賽半年，好感恩香港人做到國際級水平賽事。

林作事後寸爆鍾培生獅吼：「唔知發生乜事，通常啲人唱K飲醉先會咁，幾新鮮。」之後再於社交平台post片段揶揄鍾培生：「搞拳賽咁大壓力，搞到精神失常都情有可原。」至於對手開賽前撩加碼100萬KO他，林作以律師口脗指社交平台發文具法律效力，故林作反邀約若對手唔可以打低佢，就要同佢教練對打，林作覺得鍾培生之後嘅留言，係唔接受反邀約，所以拳賽最終規條冇變。林作又話鍾培生經常前言不對後語，改規例令佢部署有影響，對於聽日賽事唔可以戴頭套，林作自認識鐵頭功，又話自己非常有信心打贏，可以收錢同女友食飯。

鍾培生亦自言精神同體能上都滿分，佢解釋撩加碼100萬，係希望打低林作慳番30萬出場費，但否認唔接受林作反邀請：「我接受，我接受同佢教練打。（林作話你不接受？）對質呀！」佢話希望第1、2圈就打低林作：「佢企得耐，受傷會好犀利。」佢話自己媽媽擔心林作，為佢守齋唸經2個星期，自言不會留手，並說：「佢可以唔打。」

圖片來源：東星娛樂、大會提供