梁朝偉流利英文闖美更勝大學生 馬蹄露姪仔逐句捉做文法教材

梁朝偉出演《尚氣與十環幫傳奇》中的「徐文武」一角，除咗Marvel迷覺得興奮，唔少香港人都為此感到驕傲。宣傳期間梁朝偉為電影馬不停蹄接受訪問，做外媒訪問時更以流利英文對答，好多人都大讚佢語言天分高，講英文好聽到聽出耳油。不過馬蹄露姪仔馬米高日前上載咗一段影片，片中以梁朝偉英文訪問為「教材」，點出佢文法及用字嘅錯誤，引嚟好大迴響。

同場加映：【娛樂直擊】《一起走過》10月回歸｜寶珮如接江美儀捧做新一輯主持 楊紹鴻碌爆人情卡 講明見好就收

{{hket:ul-video id="4182"}}{{/hket:ul-video}}

{{hket:inline-image name="241487173_347321387094252_8275766830285668839_n.jpg"}}{{/hket:inline-image}}

影片以《【只有中三學歷】梁朝偉的英文夠拍Marvel？》為題，逐點指出梁朝偉為《尚氣與十環幫傳奇》宣傳的訪問中，英文語法和用詞上的錯誤，例如「The ten rings makes Ren Wu」就錯誤地在make上加了「s」，Dead Pool講成Dead 「Poo」（屎），更用錯了「narcissistic」（自戀）和「narcissism」兩個字等等，指偉仔嘅英文同好多香港人一樣都經常犯下錯誤。

最後馬米高亦有讚偉仔話：「一個中三畢業嘅演員，英文可以講到咁樣，發音可以發到咁樣，其實已經好過大部分香港嘅大學生，其實你可以睇得出佢落咗好多苦功。其實佢之前絕對唔需要學英文，試諗一下，佢一早已經係男一，賺人民幣同港幣就夠啦，點解要咁努力學英文？就算接受外國傳媒訪問，搵個翻譯就得啦。」又講自己做空少時，曾遇上梁朝偉，大讚對方好有禮貌同講嘢好細聲。

雖然馬米高最後有讚偉仔，但佢開頭就已經提到梁朝偉只有中三學歷，連就讀毅進嘅同學都讀書多過佢，仲話：「我哋就睇佢啲英文點死！」，已經觸動到大家嘅神經，網民紛紛表示：「都知你係想拍片做教學，但唔需要用咁嘲諷嘅語氣」、「語言呢啲嘢，有自信溝通到就冇問題，得香港人先會係咁捉人錯處」；又畀人話佢消費梁朝偉，「讓人感覺不舒服的標題，中三又如何？他是一個很棒的演員」。

馬米高喺接受傳媒訪問時，就話短片嘅標題只係想引起大家嘅興趣，仲話呢條片嘅用意係鼓勵大家以梁朝偉作為榜樣，好好進修增值自己。

圖片來源：INSTAGRAM