代溝關注組│江嘉敏指前度出軌女藝人致分手 撞破男同事搭上有夫之婦行街

江嘉敏、蔡嘉欣、游嘉欣等在昨晚一集《代溝關注組》節目中，討論到另一半出軌的話題，「長輩組」李家鼎、肥媽Maria Cordero同謝雪心都異口同聲表示不能接受，「後輩組」徐文浩和蔡嘉欣都表示會忍受，而江嘉敏回應竟然是一半一半，她自爆過去的兩段關係都是因為對方出軌而導致分手，「佢唔止出軌一次，我一直忍，我第一次拍拖，男朋友話同屋企人飲茶，當時18歲嘅我行旺角中心，佢又特別高，好似見到佢，於是打電話畀佢，佢話同屋企人飲完茶，我叫佢擰轉面，點知真係佢，而佢隔離個女人就係我好朋友。」江嘉敏表示起初還相信只是友情關係而一齊行街，後來在她的生日當天，男友直接帶她到餐廳後門見第三者，她不能接受。「你平時咁做都算，點解要喺我面前做，仲要喺我生日當日做？」

同場加映：【娛樂直擊】《一起走過》10月回歸｜寶珮如接江美儀捧做新一輯主持 楊紹鴻碌爆人情卡 講明見好就收

{{hket:ul-video id="4182"}}{{/hket:ul-video}}

代溝關注組｜鼎爺爆曾被索百圍酒席加禮金 肥媽承諾新抱生B「全包養」【下一頁】

{{hket:inline-image name="KONG6.jpg"}}{{/hket:inline-image}}

{{hket:inline-image name="KONG8.jpg"}}{{/hket:inline-image}}

主持人追問江嘉敏另一次其前度男友的出軌經歷，但她就爆料指自己曾撞破男同事搭上有夫之婦，她說：「有日我去尖沙咀行街啦！一開𨋢門，我就見到我哋公司嘅男同事，隔離有個女仔撓住咗佢隻手，又挨住佢。咁我本身諗住嗌佢，佢即刻（低頭），咁我意識到唔好叫佢，但原來個女仔係人哋個老婆嚟！人妻嚟呀，上咗新聞！好彩冇叫佢，如果唔係就尷尬！」

雖然江嘉敏派花生，不過肥媽唔領情，追問她的個人經歷，江嘉敏才娓娓道來，「我對上一個男朋友，偷食對象有KOL、模特兒，甚至有女藝人，其中一位女藝人我都識嘅，一齊食過飯嘅，直至分手一刻我先知原來佢哋有過嘢。我覺得屋企張床好污糟。點解我會發覺呢？因為我每次打電話畀我男朋友，都聽到佢（女方）把聲喺隔離，男友話只係一齊食飯。終於有次收工返去，見到個女仔架車喺我屋企門口，我問男友點解佢喺度，男友話佢想租呢頭附近啲屋，所以參觀你間屋，我問到底係咪想參觀我間屋做女主人呀？」

代溝關注組｜游嘉欣自稱「A0老處」被肥媽質疑 節目字幕錯漏百出 「代溝」竟變「代購」【下一頁】

26歲的江嘉敏現時跟電競高層男友Anthony Cheng拍拖大約三年，兩人不時在社交平台「放閃」，感情穩定。而江嘉敏過去最為人熟悉的男友就是參加《全民造星II》的歌手曹震豪，兩人拍拖時被傳媒偷拍到而公開戀情，不過很快就無疾而於，據資料所指曹震豪身高167cm不算高，未知曹震豪是江嘉敏口中兩位出軌前度嘅邊一任呢？

同場一向被網友形容為拜金女的蔡嘉欣，繼續忠於自己，「如果另一半係好有錢，總知佢係負責養家嘅，我就可能會忍喇！如果另一半冇錢嘅，又要我一齊養佢，咁我就唔忍！」對面的李家鼎都忍不住責罵：「咁一早就唔好要啦，仲忍忍忍！」

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

責任編輯：楊安莉