K11 MUSEA蘇富比秋拍預展 《春光乍洩》黃皮衣矚目

黛安收到風，蘇富比拍賣行同K11集團再度合作，今日同明日（21日），喺K11 MUSEA舉行香港蘇富比2021年秋季拍賣預展，展出9及10月嘅拍賣精選藏品。其中著名導演王家衛會以藝術家、收藏家及策展人身份，與蘇富比進行史無前例嘅跨界別合作。【按此】可到預約參觀。

預展焦點之一，係K11 MUSEA首次公開展示嘅《傷心探戈--黃皮衣》，皮衣將於10月9日現代藝術晚間拍賣會上拍賣。1997年王家衛憑《春光乍洩》獲頒第50屆康城影展「最佳導演」大獎，成為首位華人獲此殊榮，飾演男主角「何寶榮」嘅張國榮，喺戲中身穿皮衣嘅形象十分經典。呢件皮衣拍完戲後一直珍藏至今，真係相當珍貴。

拍賣詳情請【按此】參考。