【聲明】港生活網站並無進行電話推廣活動

認抄《破壞之王》絕招「金蛇纏絲手」 林作︰無被鍾培生K.O.已經贏咗

發佈時間: 2021/09/20

林作和鍾培生的「林鍾一戰」拳賽《無敵盃We are Champs》前晚在九展舉行,林作全程消極作戰,不停閃避及箍實鍾培生,令自己免被K.O.(擊倒),最後鍾培生打足四個回合後勝出。二人在賽事中猶如重演經典電影《破壞之王》中外賣仔(周星馳飾)和段水流(林國斌飾)的擂台之戰,林作昨日回應《晴報》時直言︰「做到我想要嘅效果。」

由鍾培生舉辦的《無敵盃》前晚共有六場賽事,請來在《破壞之王》中扮演評述員的梁榮忠擔任賽事旁述。壓軸的林鍾一戰中,鍾培生一開始即主動出擊,林作則圍住台邊不停左閃右避;當快要被打中時,林作即雙手箍實鍾培生不放,被評述員嘲諷「無限擁抱」,而林作的閃避策略更惹來拳證多次警告。賽前揚言要K.O.林作的鍾培生,雖然打到林作爆嘴,但始終未能K.O.對方,要打足四個回合才勝出。事後鍾培生揚言︰「希望畀到教訓林作,以後要學識尊重人,唔好再蝦女人。」林作則牙擦表示打爆鍾培生的鼻子,但鍾培生否認受傷,林作又說︰「希望佢將來可以用雙倍價錢請我再打過。」

認為鍾培生勝出唔興奮

林作昨日接受本報訪問,直言比賽時有策略地用雙手箍實鍾培生:「半年前我知道有比賽就諗應該點做,同教練傾咗我用外賣仔(周星馳)嘅『金蛇纏絲手』,原來真係大有乾坤!呢招就係不斷去糾纏佢,箍住佢唔畀佢郁同出招,咁樣對我就無乜殺傷力。(唔出無敵風火輪?)無呀,今次係西洋拳唔係太啱,同埋要用腳,地方又狹窄。不過我嘅戰術好成功,耗盡咗鍾培生四個回合,總之佢無K.O.我,我已經贏咗。」

對於網民認定兩人比賽是《破壞之王》擂台戰的翻版,林作無疑是「外賣仔」上身,連評述員也找來有份演出電影的梁榮忠擔任。林作說︰「我同意,其實係我師傅同我設計,佢覺得應該好似外賣仔同段水流咁樣,所以係做到我想要嘅效果。雖然我輸咗,但係大家都覺得我贏咗;鍾培生係贏咗,但我覺得佢未必有贏嗰種興奮感,因為佢K.O.唔到我嘛!」今次拳賽,林作收鍾培生100萬元的出場費,不過賽前鍾培生曾揚言若未能K.O.林作,便會再加碼100萬元,問林作實質收到的酬勞會是多少?他表示︰「總之佢畀100萬我就無怨啦!」

裕美質疑有人挫男友銳氣

至於賽前突然流出疑似女友裕美的不雅片,林作平靜說︰「我無睇到條片,唔知係咪佢,其實無乜大不了,條片唔係噚晚(前晚)影就得,如果係10年前影,咁我都大把呢啲片。」裕美昨日回覆本報時否認是片中人,又質疑有人在林作賽前傳出疑似片段是別有用心,「我覺得有人喺背後搞屎棍,想挫林作銳氣,呢啲行為好八婆同低能,條片唔清唔楚,長頭髮就一定係我?咁全街人都係我啦!(懷疑鍾培生?)要搞事嘅人太多,我真係唔知道。」

撰文︰倪小珊

美術︰顏玉玲

認抄《破壞之王》絕招「金蛇纏絲手」 林作︰無被鍾培生K.O.已經贏咗

林作(右)箍實鍾培生「交換汗水」以拖延時間,他承認是參考電影《破壞之王》。

認抄《破壞之王》絕招「金蛇纏絲手」 林作︰無被鍾培生K.O.已經贏咗

《破壞之王》中,周星馳以金蛇纏絲手制伏林國斌。(網上截圖)

認抄《破壞之王》絕招「金蛇纏絲手」 林作︰無被鍾培生K.O.已經贏咗

林作在第四回合連環揮拳還擊,但最終依然落敗。

認抄《破壞之王》絕招「金蛇纏絲手」 林作︰無被鍾培生K.O.已經贏咗

對於裕美被指流出疑似不雅片,林作揚言「無乜大不了」。