為角色減肥張繼聰操到肌肉痠痛

演員不時都需要為角色改變身形，張繼聰（阿聰）亦曾為電影增肥、增肌、減磅無限loop。他前日在社交網上載爆肌照及陳年凸腩照，並寫道︰「究竟我要為角色變幾多次身？最近又要收身…努力中，好想食甜嘢。」看來阿聰為拍攝新片，正積極戒口減肥。

昨日，阿聰又上載多張駕駛電單車的chok爆相，留言說︰「呢排要練跑，重量訓練，武打訓練，搞到肌肉痠痛到癲，前兩日仲拐下拐下。今日，其實上車、落車，總之每次一跨過部電單車『oh~yeah~』，啲痠痛由對腳直射到上天靈蓋，不過做人嘅嘢，最緊要型，型得嚟仲要深藏不露。」阿聰又表示自己腰腳太攰，單是除皮靴就花了十幾分鐘，但獲不少網民大讚他減磅後又型又fit。