黃建東選港男被睇死滿地眼鏡碎 拍二創搞笑片：唔使憂三餐

黃建東在2011年參加無綫的香港先生選舉，獲得演藝潛能大獎而入行，其演技、搞笑、創意都深受觀眾喜愛，尤其是他二次創作《PPAP》、惡搞陳偉霆腕表廣告《What Time Is It？》的影片，其抵死演繹即在網上瘋傳。

同場加映：自認壞爸爸│黎諾懿入行18年明白機會莫強求 見MIRROR興起籲無綫勿故步自封

{{hket:ul-video id="4170"}}{{/hket:ul-video}}

{{hket:inline-image name="10.jpg"}}{{/hket:inline-image}}

回想當初參加香港先生，黃建東接受陳圖安的港台節目《安哥同學會》訪問時，表示一直不獲朋友看好，「因為我係肥仔，冇人覺得我係走型，冇人覺得我入到圍，問10個，10個都叫我『慳啲啦，香港先生關你咩事呀。』畀我入到圍，畀我攞到呢個獎，令到佢哋跌眼鏡，原來真係要信自己，又一次引證到人哋同你say no，唔緊要，你心裡面say yes，又有行動就得。」

踏入電視台後，黃建東第一套參與的電視劇是《食為奴》，他笑說：「我唔敢睇返，呢套係我第一套電視劇，亦都係一個相當重（戲份）嘅角色，因為我有舞台劇底，所以仲未識得調整。我用返喺香港話劇團嗰套，所以演得好大力，七情上面，自己睇返，條眉做咩戚得咁高呀！我都覺得慘不忍睹，但呢個都係一個學習過程。」黃建東在《食》劇中飾演「九阿哥」一角，令觀眾認識他，不過評論好壞參半，「有讚亦有負面，有人話埋我阿媽，『邊個阿媽生個咁核突嘅仔』，因為我個角色好猙獰，（觀眾）覺得我呢個人好肉酸，咁奇怪，邊個嚟㗎，所以我第一次學識面對負面評論，發覺有啲嘢控制唔到，咪做好自己，唔好介懷人哋講咩。」

瞓碌架床成長│黃建東見證胞弟求婚成功急催生 「大伯呢個名好老 有冇第個稱呼？」【下一頁】

黃建東自言初入行時曾受過白眼，又遇過不如意事，做到有點意興闌珊，但突然間柳暗花明又一村，他坦言：「好奇怪，我覺得個天唔想我唔做呢行，例如我嘅二次創作，《PPAP》又係咁樣。當時我入咗行5年，好似形象好模糊，我想搞笑，但冇監製覺得我搞笑，有啲人都唔記得黃建東係邊個，叫唔出我個名，連公司內部都覺得我只係一個普通男仔；直至我拍《PPAP》翻版，突然間啲人覺得我好鬼好笑，好似茅塞頓開，跟住我就走我嘅搞笑路線。我好多謝嗰條片，因為呢條片令我入屋，知我係邊個，令大家都鍾意我，搞笑路線令我多咗工作機會，唔使擔心三餐。之後到《平安郁》MV，有客戶搵我度橋拍片，度隻歌，完全好相信我。」

【鬼節講鬼故】黃建東半夜3點搭𨋢撞鬼？ 尖叫搵保安救命 結局得啖笑【下一頁】

{{hket:inline-image name="19.JPG"}}{{/hket:inline-image}}

{{hket:inline-image name="20.JPG"}}{{/hket:inline-image}}

{{hket:inline-image name="21.JPG"}}{{/hket:inline-image}}

{{hket:inline-image name="22.jpg"}}{{/hket:inline-image}}

{{hket:inline-image name="23.JPG"}}{{/hket:inline-image}}

{{hket:inline-image name="24.jpg"}}{{/hket:inline-image}}

陳圖安問黃建東，有沒有人投資他的二次創作，黃建東透露全部創作都是自資，「我第一次拍《PPAP》，我冇記錯只係用咗120蚊，包括豬手、芝麻、玩具槍。好奇怪，有啲片，我投放多啲資源，用幾千蚊去拍，反而冇咁hit，所以同錢唔成正比，創意、熱度、有幾抵死過癮係更加緊要。」黃建東強調其二次創作，絕無踩低、傷害任何人之意，他只是真心想搞笑，讓大家開心，「我知可能會踩界，例如《PPAP》，有啲係粗俗語言嘅諧音，大家都會願意接受，幸運地大家都好鍚我，畀咗好多正評我，令我可以帶開心畀大家。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】