我要做業主2｜張達倫為首期上車連人情都慳 日使250蚊 三餐靠公司飯堂

由胡諾言、Patrick Sir（林溥來）及李旻芳主持的《我要做業主2》，首集請來張達倫及高海寧擔任嘉賓，分享二人上車的經歷。張達倫採取「儲得一蚊得一蚊」方法，自爆為儲首期每日只用250元，朋友結婚會到一到就走，因為可以畀少啲人情；而高海寧為供樓曾令戶口只剩5000元，令她忍不住喊出來。不過，他們的努力亦得到回報，先後升呢成為業主。

{{hket:inline-image name="09201005.jpg"}}{{/hket:inline-image}}

{{hket:inline-image name="09201002.jpg"}}{{/hket:inline-image}}

同場加映：自認壞爸爸│黎諾懿入行18年明白機會莫強求 見MIRROR興起籲無綫勿故步自封

{{hket:ul-video id="4170"}}{{/hket:ul-video}}

張達倫（Max）是圈中出名顧家男，為了家人有個安樂窩，他慳到盡去儲首期，去年成功上車購入將軍澳一個三房單位，他說：「老實講，香港樓好貴，要儲首期係好大問題，以前點儲呢舊錢番嚟？由工作慢慢積累，或者買股票升之類外，有一段時間我恐怖到點呢，有朋友結婚，收到請柬又唔想唔去，又想戥朋友開心，我多數用個藉口就去一去，跟住畀少啲人情，咁樣去儲錢。（好清晰定下每月儲幾多錢？）係，做呢行嘅收入比較浮動，所以1蚊都儲起；冇小朋友時會去計數，一日剩係只可以用250蚊。點用呢？可能一餐食麵包，就算放咗工都留喺（公司）Canteen食飯，因為價錢偏平，同埋拍外景時會問有冇飯盒。」

分手九年│黎芷珊與張達倫齊送別離世養貓 網友：養寵物主人的最佳示範【下一頁】

不過不論張達倫如何努力也跟不上樓價升幅，最後同太太合力成功上車，「層樓住得好舒服，我租咗一年，但層樓已升咗百幾萬，追極都追唔到……大家真係要去籌備呢件事，唔好再去諗，我最初嘅心態係點會（樓價再升），搭火箭咩。（樓價有賺會樓換樓？）想，但香港買樓原來係一個學問，點都搵機會入咗場先，入完場後升幅可能一年都搵唔到或者儲唔到，所以要用樓換樓呢個方式去諗，希望越搵越多，越住越大，小朋友開心啲，老婆又穩定啲。」

（↓點擊放大睇圖片↓）

至於高海寧相比張達倫較早入市，於2015年以528萬購入油塘一個兩房單位，當時辣招下只做得6成按揭。她回憶當時買樓過程：「記得有個人同我講呢層樓抵買，當時計完條數覺得都可以，大概要2百幾萬，我唔想一次過攞晒出嚟，所以揀咗發展商嘅二按，你畀二成首期先，跟住發展商畀另外兩成，當然息率係高啲，頭兩年大概2.5厘息，第3年就5厘息。我就攞咗百幾萬，跟住剩低嗰啲，我就同自己講要2年內儲夠，去填咗呢筆數，因為5厘息太高。（有冇擔心入不敷支？）其實我揀二按時，手頭上係有筆錢喺度，再儲錢就壓力冇咁大，但我試過有7個月冇搵過外快，跟住我戶口一路跌跌跌，跌到剩番5000蚊，我喊呀，壓力真係大到……只得5000蚊，又要供兩萬幾蚊，咁點算呢？好在嗰時屋企都畀咗啲支持，後尾又接番啲出面嘅工作就好啲。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】