重提昔日反目｜陳敏之聽從伍詠薇指示堅拒接觸 陳山聰銘記面對面被當透明

陳山聰日前擔任「妹妹」陳敏之YouTube頻道的節目嘉賓，大爆昔日跟「家姐」伍詠薇反目時，他和敏之在無綫走廊迎頭踫面，竟遭到對方當透明冷待，他至今仍然記於腦海中。敏之即時反駁指是伍詠薇的指示，話若果跟山聰接觸就絕交。不過，三人最終重修舊好，關係更勝從前，山聰更在節目內公開和好過程。

{{hket:inline-image name="09202003.jpg"}}{{/hket:inline-image}}

{{hket:inline-image name="joelshanchung_150215316_2794521917478416_6049650187559659405_n.jpg"}}{{/hket:inline-image}}

同場加映：自認壞爸爸│黎諾懿入行18年明白機會莫強求 見MIRROR興起籲無綫勿故步自封

{{hket:ul-video id="4170"}}{{/hket:ul-video}}

山聰早年跟賭王千金何超雲拍拖期間，曾引發出不少負面新聞，其中包括同「家姐」伍詠薇鬧翻。事緣山聰醉酒後致電伍詠薇，叫對方不要再搵他，不會示弱於人前的伍詠薇當然答好，並發火公開事件，一度連身邊人也不敢幫口做和事佬；如今一切已雨過天晴，山聰、伍詠薇及敏之已和好。這次山聰接受敏之網上頻道訪問時，又再重提事情發生後，曾被敏之冷漠對待，而自己至今仍記得，「我哋反過面……我有一樣嘢要講，當嗰件事發生咗之後，不愉快嘅時候，喺廠度開工，我好記得，呢個moment我永遠記得，陳敏之喺條冷巷迎面行過嚟，我同佢有eye contact（眼神接觸），佢真係咁（扭轉頭扮睇唔到），咁樣就行過去……真㗎，人情冷暖我明白嘅，將心比己，我都可能係咁，每個人睇法係唔同。（記得你當時很壞？）呢件事全香港都知，成日講唔係咩秘密，我唔講人，只係講自己……記得我當時私底下，喺伍詠薇唔知嘅情況下先搵你，問家姐而家點呀？」

陳敏之開YouTube Channel│伍詠薇談性事笑稱後悔冇搞陳山聰 自爆2017年開始暴瘦背後原因【下一頁】

敏之亦有趁機解釋當日冷巷事件，爆山聰每次逢人都講，也知道對方為此事很嬲她，「其實我係嚟唔到反應，我係每日都畀家姐轟炸，話『你唔可以睬番佢呀，話畀你聽，我哋絕交吓。』但我係一個好心軟嘅人，山聰有幾壞點會唔知。」山聰插咀話敏之很了解自己，可是當時無法作出解釋，並以「煩音」來形容伍詠薇，將事情公開出來後便一發不可收拾。

曾棄前妻同何超雲高調拍拖│陳山聰認做錯決定累家人擔心 踏實改過望成為囝囝好榜樣【下一頁】

敏之強調自己是當中第一個屈服的人，和山聰私下和好之後，指伍詠薇需要一些時間；山聰亦認衰，話自己當日凌晨致電給伍詠薇，結果發生誤會。最後在胡杏兒的婚宴上，山聰被楊怡拉過去見伍詠薇，「有好多和事佬，佢哋又覺得好可惜，兩姐弟因為一啲誤解而咁，當然後尾解釋番大家都覺得好蠢。」山聰指之後在機場撞到，大家很有緣都去日本，抵達後有一日約出來，二人終於冰釋前嫌，見面時即互相擁抱，一切盡在不言中。

（↓點擊放大睇圖片↓）

此外，山聰在節目內憶起亡父時爆喊，「一講起佢就想喊……爸爸喺我細個時好錫我，點解我今日會咁珍惜（兒子）Jaco，係我諗番起我爸爸幾錫我……雖然唔係咩大傷害，但喺嗰段時間令佢好傷心，佢係好擔心我……我記得好細個佢就同（大哥）海哥講，將來佢走咗，呢個細佬要睇住，因為我同海哥唔係同一個媽咪生。」山聰指爸爸離開前叫他迎娶女友Apple，結果他亦有做到，並生下兒子Jaco，而有點遺憾的是爸爸見不到孫仔，所以現在更加明白珍惜眼前人的道理。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】