遭細女爆講粗口劉小慧淡定解畫

蘇志威和劉小慧夫婦日前帶同細女Ina，為李思捷主持的遊戲節目《思家大戰》擔任嘉賓，樣子甜美的Ina被形容為「少女版龔嘉欣」，李思捷大讚她非常可愛。當Ina競猜「父母叫仔女唔好做，但自己卻會做」的民調問題時，她答出「講粗口」，令全場譁然，矛頭直指蘇志威及劉小慧，思捷更追問︰「爸爸定媽咪啲粗口勁啲？」令Ina相當尷尬。劉小慧見狀即淡定解圍︰「佢哋唔係好識分咩係粗口，我哋好優雅。」

而在另一條民調問題「你會形容你老婆係乜嘢動物」當中，同樣任嘉賓的海俊傑估答案是「豬」，李思捷即挑機︰「阿嫂，你係咪睇緊？」海俊傑笑言︰「我返去實被老婆掹耳仔。」