呂慧儀想與劉丹對親家

劉丹和呂慧儀昨日出席《愛‧回家之開心速遞》中秋活動，劉丹透露中秋會與家人食飯慶祝，亦會陪孫女「小糯米」玩燈籠，他說︰「今年無時間整燈籠，但我細個最鍾意用碌柚皮整燈籠，手工好好㗎。」問兒子劉愷威會否返港慶祝？劉丹表示︰「佢喺內地做嘢，不過無所謂，佢好似無離開香港咁，日日都同個女視像通話傾好耐。」

至於呂慧儀早前揚言，希望仔仔「蟹籽」能結識「小糯米」，可惜暫未有機會，她昨日笑稱︰「如果丹爺同孫女去賞月，可唔可以帶埋蟹籽去呀？」呂慧儀指中秋會在工作中度過，與劇組一起做節︰「大家每年都會帶月餅同生果返嚟開工，個錄影廠好多嘢食，係增磅廠。」