用助行架出入｜余慕蓮約薛家燕食乳鴿迎中秋 恨做正常人：我想玩多幾年

資深藝人余慕蓮（余毛）去年11月因肺纖維化入院，一度情況危殆需入深切治療部（ICU），要插喉及用呼吸機幫助呼吸，幸好最終大步檻過，她前後留院多個月，至今年4月獲准出院。余毛姐早前已出關活動，7月時就獲李琳琳、吳麗珠、資深傳媒人汪曼玲及著名設計師鄧達智等，分別為她慶祝84歲生日，見余毛姐悉心打扮出席，不過當時仍要坐在輪椅上。

{{hket:inline-image name="09211001.jpg"}}{{/hket:inline-image}}

{{hket:inline-image name="09211108.jpg"}}{{/hket:inline-image}}

同場加映：【娛樂直擊】《一起走過》10月回歸｜寶珮如接江美儀捧做新一輯主持 楊紹鴻碌爆人情卡 講明見好就收

{{hket:ul-video id="4182"}}{{/hket:ul-video}}

余毛姐日前相約薛家燕、安德尊（大王）及醫生好友林建業等茶聚，順度預祝中秋節。在《東張西望》採訪的片段中見到，余毛姐相當之精神，已經不用坐輪椅，現時可靠助行架出入，她還示範不用助行架步行，行起來亦很穩健，看來康復進度良好。至於飲食方面，余毛姐可以進食固體食物，見她用手拿起乳鴒大啖咬下，不過可能因心情太興奮的關係，邊講邊食下被食物鯁親，即時連聲咳嗽，令大家有點擔心，並提醒她要「食不言，寢不語」。期間又有不少茶客上前慰問，令她大為感動。

84歲生日｜余慕蓮扮靚靚見李琳琳吳麗珠 生日願望：恢復健康 不用坐輪椅【下一頁】

余毛姐跟家燕姐見面即講不停，她說：「我而家好彩嘞，唔使坐輪椅，我自己掹住呢個嘢（助行架）就行到。（你好有生命力）我想玩多幾年，我好感恩，因為啲人話我入ICU嗰度，十個入去，有九個出唔到嚟……我肺纖，而家幾個月要打一次標靶藥，幾千蚊一次。」之後大王同醫生林建業結伴而至，興奮上前跟余毛姐臉貼臉打招呼。

余慕蓮曾被騙返內地打回春針 成分不明疑染惡菌致血液炎【下一頁】

對於面前乳鴿等美食，余毛姐開心表示：「我揸住就咁食！（食番嘢）梗係正啦，之前睇住人哋食嘢就流口水，自己冇得食，樣樣嘢唔食得。嗰時喺醫院食嗰啲嘢，要剪碎晒先，嗰啲水又要溝凝固劑，因為驚我會濁親，食呢啲唔整爛又會驚鯁親。」家燕姐指余毛姐當日留院時，因為插喉不能吃東西，讚她做人積極又樂觀，拆喉後肯慢慢練習進食，否則很難進行吞嚥動作，余毛姐聞言搞笑話：「我想做番個正常嘅人。」

（↓點擊放大睇圖片↓）

重提當日住院的情況，余毛姐話：「又講唔到嘢，又食唔到嘢，要用成人尿片，搞到我呢……瞓到我背脊又爛，籮柚又生瘡，我以為死㗎，而家死過翻生。」她更即場示範用助行架行走，用起來相當敏捷，並一度不靠它步行，「而家喺屋企唔使用呢個嘢，出街就要用。（開心不再用輪椅？）梗係啦，希望連呢個架都唔使用，拎支柺杖就搞掂。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】