譚俊彥泡菜劇《魷魚遊戲》做男一？ 撞樣韓國史上最年輕影帝李政宰

韓國劇集《魷魚遊戲》開播4天，討論度相當高，劇迷大讚劇情刺激過癮，一眾演員的演技亦相當精湛。雖然開播第一天《魷魚遊戲》就惹來抄襲爭議，但亦無礙佢穩站Netflix香港等多地嘅人氣榜冠軍，更成為首套能夠打入全球排行榜第二位嘅韓劇。

同場加映：【娛樂直擊】《一起走過》10月回歸｜寶珮如接江美儀捧做新一輯主持 楊紹鴻碌爆人情卡 講明見好就收

{{hket:ul-video id="4182"}}{{/hket:ul-video}}

{{hket:inline-image name="YkknKbAJZy9A0FzjtX-ra0TvQCUECeybY6KcQGOinEA.jpg"}}{{/hket:inline-image}}

劇集有自2016年《鬼怪》後已5年沒有現身熒光幕嘅孔劉義氣客串演出，仲有韓國影壇史上唯一同年獲大滿貫影帝嘅李炳憲，卡士真係勁到爆燈。而男主角李政宰來頭亦都唔惹少，早喺1999年第20屆青龍獎就憑藉電影《沒有太陽》榮獲最佳男演員，成為韓國史上最年輕影帝。2016年，佢與至親好友韓國男演員鄭雨盛共同創辦經紀公司Artist Company，培育藝能界新血！

除咗精湛演技，現年48歲嘅李政宰外型都迷倒唔少老中青，更曾喺2014年被美國電影網站 TC Candler 選入「THE 100 MOST HANDSOME LIST」名單中，有人評價佢為「最適合演出浪漫愛情電影」嘅男演員。李政宰雖然唔太多作品喺香港爆紅，但好多劇迷都覺得佢熟口熟面，原來係撞樣譚俊彥！

對比番譚俊彥喺無綫劇集《失憶24小時》中嘅髮型，的確同李政宰於《魷魚遊戲》中嘅髮型有80%相似，真係令香港劇迷好有親切感！有人仲講笑問細李政宰7年嘅譚俊彥有冇可能係佢失散弟弟、狄龍嘅私生子，因為將譚俊彥嘅相同李政宰年輕時嘅相對比，的確似得好交關呀！

同世界百大美男之一撞樣，譚俊彥接受《晴報》訪問時都表示覺得與有榮焉，連日嚟都收到唔少朋友嘅截圖話佢哋好似樣：「首先多謝啲網友留意啦，係有幾個角度有啲似嘅，嗰位演員都係一個好好嘅演員，其實我之前都有留意佢嘅作品。呢幾日好多好多朋友，圈外嘅、圈內嘅都有Cap圖畀我。因為我呢排都比較忙啲，拍《廉政狙擊》同《廉政行動2022》兩部（劇），未有時間追劇，但我以前都有睇開佢嘅戲嘅，佢係一個好好嘅演員。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】