顏國樑68歲Keep住招牌鬍鬚 為長糧當差因潘志文一句話放棄

「陳積」顏國樑在2009年約滿無綫，之後轉行教太極，近年移居國內，最近他接受好友鄧英敏YouTube節目《老友鬼鬼》訪問，大談加入無綫前的經歷。

1967年，差少少才到法定年齡15歲的顏國樑，考入邵氏的南國實驗劇團第八期訓練班，丁洋是他的同班同學，隔離班的同學則有狄龍，他自豪的說：「南國出咗好多明星，第一期有李菁、鄭佩佩、岳華、李麗麗、陳鴻烈、夏雨。」

同場加映：練美娟後悔經常節目中飲醉 自責應該要懂得拿捏分寸

{{hket:ul-video id="4207"}}{{/hket:ul-video}}

{{hket:inline-image name="53.JPG"}}{{/hket:inline-image}}

{{hket:inline-image name="1000.jpg"}}{{/hket:inline-image}}

當年入行，第一件事要學識跟工作人員、前輩打招呼，雖然工資很低，只有10元一工，但顏國樑過得很快樂，他續說：「咁啱當時有個朋友係香港電台嘅導演，港台招人喎，我哋嗰批係1969年，包括我、潘志文、葛劍青，第二年有曾勵珍（現為無綫高層）、熊德誠、敬海林，跟住過幾年先有洪良石。」

加入港台後，先練基本功，就是要字正腔圓，由於他只有中二程度，年年考最尾，所以要下苦功重新讀書。對自己前途很有願景的他，想到雖在港台工作，但自己不是公務員身分，於是去考警察，做過正規警察和輔警。顏國樑坦言做警察時，真的要他的命，「要背警例，仲要唔係multiple choice，上完第一堂，我已經想走！因為第一堂教防止賄賂條例，有十幾條，我跌喺度咁滯，背死你。但你唔識唔得，你識係保護自己，考試要背番出嚟，我呢啲唔識背書嘅人，冇讀過書嘅人，入去就讀呢啲嘢，你話我係咪想死？足足背咗幾十年書，因為之後要背劇本。」

【一代宗師】顏國樑做甘草獲尊重拍劇為興趣 曾患三料情緒病太極耍走負能量【下一頁】

{{hket:inline-image name="12.jpg"}}{{/hket:inline-image}}

放棄做警察，只因潘志文一句說話，顏國樑憶述：「潘志文係一位好有人情味嘅朋友，佢當時做緊『盜帥留香』（1979年麗的電視武俠劇《俠盜風流》的角色），佢喺麗的已經好紅，佢嚟差館搵我敘舊，一齊出去食飯，食完飯我哋爭住畀錢，佢就講咗一句說話，好犀利，殺傷力好大！佢話『你唔好同我爭，我搵錢易過你好多』，我就叮一聲，我就讓佢畀錢啦！其實佢好客氣，你諗吓，我當差1,300蚊人工多啲，相比之下，佢真係太勁，一講你就收皮喇！」

{{hket:inline-image name="22.JPG"}}{{/hket:inline-image}}

{{hket:inline-image name="19.JPG"}}{{/hket:inline-image}}

顏國樑的「遠見症」又發作，他開始想到前途，「我升盡都係警署警長，我就唔滿足嗰份人工，得幾千蚊，個人貪圖享受，但又冇得貪污，又唔敢貪污。我心諗潘志文同我同屆，就算渣極都有佢一半，何況大家level差唔多，我有信心出去，於是我離開警隊，轉做特約演員，咁啱嗰段時間港台電視部有齣《執法者》，十幾集，有好多集要搵正規警察，我試鏡之後，就叫咗我去拍。」

{{hket:inline-image name="20.JPG"}}{{/hket:inline-image}}

{{hket:inline-image name="21.JPG"}}{{/hket:inline-image}}

{{hket:inline-image name="51.JPG"}}{{/hket:inline-image}}

{{hket:inline-image name="52.JPG"}}{{/hket:inline-image}}

《香港81》重聚 83歲順嫂高貴LOOK賀蘇小姐嫁女【下一頁】

轉做特約演員，人工比之前少了很多，顏國樑說：「港台特約演員120蚊，電視台特約演員250蚊，或者300蚊，嗰段時間係捱㗎，但我都要博；嗰陣時我喺廣播道租間房仔方便返工，原來二房東係監製嘅助理陳榮光，佢問我咩職業，我話做特約演員，佢叫我畀幅相佢，佢話拎俾監製睇吓，有戲啱就搵我！」就是這樣，顏國樑之後加入無綫，拍攝《香港八一》至《香港八六》、《季節》、《真情》、《皆大歡喜》等等。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】