TVB大寶藏｜鮑起靜30歲索爆潮look網上重現 網民勁讚靚女：似楊恭如

現年72歲影后鮑起靜（鮑姐）最近有新作推出，於TVB劇集《我家無難事》內飾演花鈕導師郭羅美蘭，一心解決大仔郭得勤（馬德鐘飾）、二女郭得寶（車婉婉飾）、細仔郭得明（楊明飾）及孫仔郭景軒（胡㻗飾）之間的家庭問題。至於飾演郭老太年輕版本的任務，則落在43歲的楊卓娜身上，估不到她跟年輕時的鮑姐也有八、九成相像；鮑姐昔日接受《Bang Bang咁嘅聲》的訪問再次重現，有網民就讚她年輕時勁似1995年亞姐冠軍楊恭如。

{{hket:inline-image name="SAM_4270.JPG"}}{{/hket:inline-image}}

{{hket:inline-image name="WAH04345.JPG"}}{{/hket:inline-image}}

同場加映：練美娟後悔經常節目中飲醉 自責應該要懂得拿捏分寸

{{hket:ul-video id="4207"}}{{/hket:ul-video}}

TVB今日（23日）在官方facebook網頁內，分享一段「TVB大寶藏」的影片，見到鮑姐於1979年接受《Bang Bang咁嘅聲》主持人陳玉蓮及賈思樂訪問，觀眾有機會重溫鮑姐當年索爆樣貌，又可以拿來跟楊卓娜對比一下。片段內一身潮look打扮的鮑姐，約30歲，追問她的愛情觀時，鮑姐話：「愛情講緣分，人同人之間可遇不可求。」之後她玩心理測驗，看她是否一個容易呷醋的女人，被問到老公發開口夢時叫另一位女性的名字，當刻會作何反應？鮑姐笑言：「打佢……當然係推醒佢，問佢邊個嚟㗎？（男友收到香味信件又如何？）都係交番畀佢拆。（男友去沙灘只顧望女仔？）會唔理佢，不作任何反應。」

我家無難事│鮑起靜演郭老太僅4集離世催淚 網友嗌感動：客串咁嘥料？【下一頁】

結果由心理專家艾迪公布，歸類鮑姐為「混合型的女士」，意思是她心理上不平衡，表面上好大方，但是潛意識卻是醋味十足；平日同老公非常恩愛，可是在潛意識下，發作起來就一發不可收拾。對於專家的評語，鮑姐就話：「我諗幾啱啩，哈哈！我諗我都係幾大醋味嘅女仔。」而網民見到鮑姐年輕索爆look後，不少人大讚她好靚女，「後生好靚，依（而）家都好靚！後生仲同楊恭如好似。」、「鮑姐後生超級靚女。」、「少女時代嘅鮑姐靚過陳玉蓮。」、「鮑姐後生好靚。好有氣質。而家做戲又好睇。」及「又有D（啲）D（啲）似楊恭如。」等等。

（↓點擊放大睇圖片↓）

鮑姐當年自認是勁呷醋的女仔，現實中她跟老公方平好恩愛，二人婚姻維持了超過40年，更是三代同堂的幸福之家，女兒方之樺育有一對小朋友，鮑姐早前還飛去英國探孫，最近為《我家無難事》宣傳才回來香港。此劇收視方面亦取得不錯成績，首周錄得平均19.3點，約126萬觀眾收睇；鮑姐角色於第一周劇情病逝，令不少劇迷大感可惜，幸好角色不時在家人幻想中出現，TVB這次總算沒有浪費一個好戲之人。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】