區永權22年來零緋聞拒異性埋身 「我有老婆 黐我都冇用」

無綫節目《東張西望》、《代溝關注組》主播區永權在2009年與圈外女友結婚，婚後育有一對將近11歲和10歲的兒子。昨晚（23日）他接受好友黃婉曼的「安品·生活」Facebook live訪問，期間，區永權以結他伴奏，與黃婉曼合唱《小酒窩》，不過黃婉曼笑言十分緊張，「我真係好驚唱歌，以前都有啲登台騷，我都唔敢接，我真係要好醉好醉先可以唱到歌。」兩人摸住酒杯底閒聊！

同場加映：練美娟後悔經常節目中飲醉 自責應該要懂得拿捏分寸

{{hket:ul-video id="4207"}}{{/hket:ul-video}}

{{hket:inline-image name="IMG_7822.JPG"}}{{/hket:inline-image}}

{{hket:inline-image name="242461557_590800181921282_6812444169276897413_n.jpg"}}{{/hket:inline-image}}

提到區永權當年以組合「星盒子」入行，並在台灣出道，他就以「折墮」來形容這段日子，「唱片公司會預支版稅，但呢筆預支版稅要同3個人分做生活費，可能用1年、2年、3年，因為唔知幾時再有糧出，所以就算畀幾廿萬你，你用幾年，都好快使晒，最後因為搵唔到食，碟又唔賣得，喺台灣3年就返香港，經理人安排我哋返香港出埋第二隻碟，跟住就散咗囉！」

【無綫新聞台出錯】區永權驚見新聞報K3至小三不復課 急急開POST向網友求證【下一頁】

談到曾經經濟緊絀，他透露當時要家人接濟，不敢經常出街，但幸好這種日子不是維持了太長時間，「有人支持、照顧，已經好安樂，就算我入去（有線）娛樂新聞台，都唔係好多錢，幾千蚊一個月，不過當時對我嚟講係正，因為我冇穩定嘅入息，又包我3個月訓練；開始做娛樂新聞主播，就加番合情合理嘅人工畀我。又唔係話做得好出色，因為冇乜網上世界，明星放工悶，咪去睇娛樂新聞台，所以劉德華、鄭秀文呢啲一線明星講得出我個名，我哋好幸運，加上係收費電視台。」

大整蠱│安德尊再提曾志偉寸蔡康年照稿讀 區永權勁醒目靠觀察踢爆騙局【下一頁】

2015年過檔無綫，談及工作上經常接觸女主持，區永權表示要讓太太放心，一定要與女拍檔保持距離，「閃開啲，檢點啲。坦白講，點樣去絕緣，首先我以做主持為主，會比較少呢樣嘢，唔會同拍檔好埋身、互動又少，假設有啲人居心叵測，想從你身上得到啲嘢，咁你都唔會埋我身，得到啲咩？除非我係小鮮肉，非常之紅，咁就有啲得著；但我冇嘅話，又有老婆，佢黐我都冇用。」黃婉曼即說：「有老婆咪唔使上身囉！」當時嚇窒了區永權，笑說：「嘩哈哈，（問工作人員）你覺得佢醉未呀？我使唔使灌多佢一杯呀？」及後，黃婉曼問鏡頭外的區太，欣賞區永權的甚麼？區永權聽完老婆的答案，便說：「我諗兩個仔應該會知，透過房門同房門之間，但呢啲唔出得街。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】