我家無難事︱阮浩棕演年輕版關禮傑入型入格 梁舜燕孫仔撞樣陳曉東+鍾漢良

王心慰（Amy姐）監製嘅無綫八點半檔劇集《我家無難事》雲集一眾好戲之人領銜主演，包括鮑起靜（鮑姐）、馬德鐘、唐詩詠、楊明、車婉婉、王君馨、關禮傑及楊卓娜等。雖然鮑姐飾演的角色羅美蘭在第四集離世，但Amy姐巧妙地安排「現身」，令觀眾有更多機會欣賞其精湛演技。近日無綫官方社交平台上載一段鮑姐約30歲時接受賈思樂、陳玉蓮訪問的短片，仲有玩心理測驗，鮑姐同而家一樣咁平易近人，而且五官標緻，非常fashionable！

同場加映： 練美娟後悔經常節目中飲醉 自責應該要懂得拿捏分寸

{{hket:ul-video id="4207"}}{{/hket:ul-video}}

鮑姐陳年靚look曝光，網民相當驚喜表示︰「鮑姐後生真係好靚，遺傳基因好強，鮑方叔叔！超鍾意睇佢兩父女做戲」、「而家都好靚」、「清純、美麗」、「好有氣質」、「女神級」、「後生靚到老，靚得自然」另網民亦分別指出鮑姐年青時有楊恭如、陳自瑤及黃造時的影子。

{{hket:inline-image name="05.jpg"}}{{/hket:inline-image}}

昨晚《我家無難事》劇情講到年青版羅美蘭（楊卓娜飾）遭到年青版郭忠石（阮浩棕飾）打劫，其時後者的拍檔色心起，郭忠石不恥對方行為，最終由劫財變成英雄救美，羅美蘭、郭忠石因而結緣。

現年30歲嘅阮浩棕，是「上等人」梁舜燕孫仔，擁有演藝世家基因嘅佢原來數年前已被Amy姐睇中，她說：「幾年前見佢已經覺得好charm，近年再見番佢，可能多咗人生閱歷，覺得佢成熟咗同man咗，而且有種亦正亦邪嘅感覺，好適合演年青版忠石。」網民亦對阮浩棕一致好評，指佢有陳曉東同鍾漢良影子，另網民亦大讚楊卓娜越來越靚兼有女人味。

《晴報》訪問新星阮浩棕，佢為角色下咗唔少苦功，非常值得加許，他說：「首先好多謝網民留意到我的演出。為了觀眾能代入我是傑哥（關禮傑）的角色年青版，劇組在我的造型上、打鬥的動作設計等都下了功夫。而在拍攝前，自己亦特意去看傑哥如何演繹郭忠石，觀察他的動態，以及跟他溝通，了解傑哥演繹時的心理。但始終年青時的郭忠石只是小混混，經歷較少，仍未成為江湖大佬，所以我在演繹時亦作出相應調整。」至於大家話佢似陳曉東加鍾漢良，佢就好謙虛咁話可能係造型相似，唔敢同前輩比較，「多謝網民抬舉，我從來沒想過自己會像哪位明星。可能只是造型以及角色的氣質令網民聯想起陳曉東前輩吧！」

阮浩棕又再次多謝Amy姐給予機會，又話睇到自己喺《我家無難事》嘅演出，覺得仍有好大進步空間，「基本上滿意自己演出！今次拍攝是給了我一支強心針，更重要的是提醒自己保持平常心，腳踏實地做好之後的工作。」