爆竊驚魂︳地產經紀去錯單位插鎖匙狂搖閘 青衣街坊報警批嚇親老人家

突然有陌生人在家門前嘗試開門，難免大嚇一跳。有青衣街坊表示，日前外出期間有一名男子突然用鎖匙嘗試開其鐵閘，惟開門不果而大力搖閘。她回家翻查防盜閉路電視畫面後始驚悉事件，更發現門鎖損壞鬆脫，因為擔心有人企圖「爆格」遂報警求助。屋主經了解後得知，該開門男子竟然為一名地產經紀，因去錯單位而開錯門，惟對方僅在電話以一句「唔好意思」及更換匙膽了事，拒絕當面道歉，令她甚為不滿。

同映加場：

28萬翻新青衣240呎公屋 4大慳位設計用盡空間

{{hket:ul-video id="4003"}}{{/hket:ul-video}}

該名居於青衣的街坊周日（19日）在facebook「青衣街坊吹水會」發帖指，前一日下午5時50左右，家中防盜系統突然不斷發出警報，由於當時外出未有為意，後來翻查閉路電視畫面，才發現一名身穿恤衫陌生男子，在其家門以鎖匙嘗試開啟鐵閘，卻因開門不果而不斷大力搖閘，過程長達約20分鐘。她見狀擔心有賊人企圖入屋行劫，於是立即趕回家，並報警及通知管理處。

↓ 點 擊 圖 片 放 大 ↓

稱去錯樓盤開錯門

事主翌日明查暗訪得知，原來該名陌生男子是一名地產經紀，更是分行最高級的職員，遂向有關店舖查問，對方則解釋指因去錯大廈而開錯單位大門，強調當時並無惡意。不過事主依然忿忿不平，指對方錯得離譜且損毀其鐵閘，

「整到道閘個鎖鬆咗，個閘拗咗，真係估唔到做到咁大粒（高職位）都可以犯啲咁嘅錯，明知條匙唔啱都不停插、搖閘，不知所謂。最慘係嚇親老人家，同我呀！啲鄰居都驚驚。」

涉事男子拒當面道歉

她續指，雖然曾經親自到店舖理論，惟遭到不禮貌對待，「去到分行仲要被人鬧，黐x線！」對方更派下屬前來「擋駕」，表明只願透過電話與事主溝通，更指責她將事件放上網，因此雙方「無嘢傾」，只肯代為更換匙膽，同時要求事主刪除帖文。不過事主堅持追究，並明言：「唔當面同我道歉我係唔會delete（刪除）！」批評涉事男子意圖逃避責任，

「直到（20日）仍然堅持佢要同我哋當面道歉，佢話自己已經負咗責任幫我哋換咗個匙膽，所以拒絕當面道歉，亦係電話上同我講咗唔好意思，唔好意思大晒呀？」

計劃追究到底

事主補充，對方曾聲稱認識退休警察：「問過人哋，話我哋（事主）都告唔到佢啲咩。」她指自己並非有意索償，但認為對方態度惡劣且行為不尋常，因此打算追究到底，計劃就此事向其公司投訴。另一方面，她認為大廈保安有漏洞，也為此作出投訴，

「正常人試咗幾次都會唔再整，但佢喺我門口足足20分鐘！而且搖閘嗰陣唔係細力！換唔換好閒，係態度上嘅問題！佢畀錢我換我都唔高興啦老實講！佢聲稱去錯啫，咁有冇睇樓紙有冇放盤紙先？仲有地產唔代表唔係爆竊㗎嘛！啱唔啱先？」

網民斥責涉事者不負責任

帖文引起網民熱議，不少人都批評涉事男子離譜且態度惡劣，並擔心對方當時有其他不軌企圖，支持事主報警處理並追究到底。

↓ 點 擊 圖 片 放 大 ↓

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：黎穎芯