他朝君體也相同︱阿嬌結婚14個月扔出分居協議 賴弘國前前妻爆莫名其妙被離婚

阿嬌（鍾欣潼）2018年喺美國同香港搞咗兩個盛大嘅婚禮閃嫁台灣「醫界王陽明」賴弘國，佢哋喺人前人後都表現得非常幸福，更不時表示正努力「造人」，但不料婚姻僅維持14個月，二人已於2020年3月1日離婚。

同場加映： 【娛樂直擊】陳家樂符碌叨光中六合彩 劉佩玥被爆手機睇鹹網

{{hket:ul-video id="4229"}}{{/hket:ul-video}}

據悉係阿嬌主動提出離婚，而且早喺2018年結婚冇耐之後就提出過一次，當時賴弘國試圖挽回，經常飛去佢拍戲嘅地方陪伴，感情熱度一度回溫。賴弘國承認離婚原因係：「她不愛我啊！」坦承於美國辦婚禮後，阿嬌已經覺得後悔，突然變得冷淡，又同佢講「沒有很愛」，同時阿嬌說覺得自己唔適合婚姻。二人經過討論，決定再一齊努力；亦為咗已經簽約嘅真人騷先繼續維持「假面婚姻」。最後阿嬌都係向賴弘國扔出「分居協議」，並告知：「對不起，以為婚後會慢慢愛上，但真的沒辦法，想要分開。」相信唔止外人，就連賴弘國本人都覺得有啲莫名其妙。

{{hket:inline-image name="1b893e22-2e50-4b46-97dc-3ad83acdf8ea_600.jpg"}}{{/hket:inline-image}}

其實賴弘國第一段婚姻都結束得相當莫名其妙，呢次情況係男女角色調轉。賴弘國2016年同有「華航林依晨」之稱嘅趙筱葳（Ivy）註冊結婚，趙筱葳因此辭去空姐工作，但短短半年就宣告離婚。事隔多年，趙筱葳日前於一個網上頻道分享自己從小到大於求學方面、原生家庭同婚姻等嘅成長經驗。

趙筱葳提到小時候爸媽做生意非常忙碌，令佢學會自己照顧自己，從小到大一切都喺佢掌控之中，包括工作、人生狀態、交友、感情，直到佢29歲那年發生婚變呢件事，始料未及，「我其實是一個未雨綢繆的人，所有決定都會有很多方案！」講到如果事情發展未如自己所想，佢就會有其他方案，唯獨離婚一事佢完全冇諗過，「我竟然有一天要走到離婚這一步？所以那個時候對我來說是一個很大的震撼彈！」

趙筱葳坦言當時感到無奈、措手不及：「交往一年半，結婚半年就分開……我心理建設……走了很長一段時間才能走出來！突然這件事情令我步調被打亂了。」同時指離婚不可怕，而是當時嘅佢承受不起，不僅要處理感情，仲要面對網路輿論，令佢不停諗係咪自己做錯事而「被離婚」？幸好最後靠自己信念從陰霾中走番出嚟。