舊日的足跡│李靜認性格火爆同女乒團員嗌交 兩女唔知爸爸成就：只畀父愛佢哋

今屆東京奧運，香港運動員代表隊獲得佳績，其中港隊女子乒乓球女團獲得銅牌凱旋而歸，刷新女團的最佳成績，可喜可賀。香港市民全程都緊貼女團的比賽，特別是過程中見到有「金句王」之稱的李靜教練，他激昂的表情以及一度疑似爆粗以一句：「X！你企中間嘛！」提點團員杜凱琹的一幕，更令網友們瘋狂洗版不停Loop。

同場加映：練美娟後悔經常節目中飲醉 自責應該要懂得拿捏分寸

{{hket:ul-video id="4207"}}{{/hket:ul-video}}

港隊乒乓女團戰│李靜指導杜凱琹疑似爆粗直播出街 鄭衍峰與阿占靚兜打圓場化尷尬【下一頁】

{{hket:inline-image name="LEE.jpg"}}{{/hket:inline-image}}

李靜近日接受車淑梅電台節目《舊日的足跡》訪問，他現時正帶隊出戰多哈亞錦賽，「信心都係可以嘅，因為東奧返嚟之後，球員接受咗 好多訪問同活動，有少少影響戰鬥力，訓練時間係少咗，但實戰方面就提升咗，我仲係有信心嘅！」擔任女團教練已經差不多八年時間，李靜表示男女有別，自己有一定的規矩，晚上六點過後就不會主動找球員，有事就會開門詳談，盡量現場解決技術和情緒問題。「有時我講嘢直啲，佢哋會喊吓，我會由得佢哋喊，係一種壓力嘅釋放。其實我自己細個時輸波都喊，不過而家大咗怕醜唔敢喊啫！」被問到為何「李靜」卻擁有火爆性格？李靜再派金句：「係啦！都話我叫做李靜，係 『你』靜，唔係叫我靜吖嘛！哈哈哈！」

李靜逐一品評三位奧運女球員的表現：「阿杜（杜凱琹）係好有性格嘅球員，打法好有天份，希望喺技術上可以幫佢多啲，可以突破（佢）自己！我好欣賞佢打波，（大家）有嗌交， 但唔重要，最重要佢喺比賽場上拼搏已經足夠！」他大讚李皓晴聰明，而年紀最輕的蘇慧音最重要是防病防傷。他笑言運動員有獎金獎勵，希望未來制度都可以更完善，有業績就應該獎勵教練。

東京奧運｜港隊乒乓女團落後一局反勝德國摘下銅牌 教練李靜變陣成功：奇兵出奇蹟【下一頁】

李靜近年專注在培育香港運動員，薪火相傳，卻因疫情及專注訓練的關係，有家歸不得，久未與長居內地的太太及兩位女兒見面。李靜寄望早日通關與家人共聚，因兩位女兒正面對父愛缺愛。提到兩個女兒，李靜坦言一直沒有向女兒提及自己在體壇上的成就，有次被大女追問：「你夠唔夠我學校嘅教練打吖？」而細女在教科書中發現了爸爸的圖像，反問是不是爸爸。李靜說：「她們不清楚爸爸的成就，因為我覺得她們應該靠自己奮鬥，與爸爸無關，我畀佢哋嘅只有父愛。」

U Lifestyle App自家節目登錄《U TV》專區！
↓↓試玩、試食、試用影片任你睇↓↓
【立即體驗】

責任編輯：楊安莉