綠色建築週 玩任務贏iPad環保相機

黛安知道，「香港綠色建築週2021」早前揭幕，重點活動「綠建大步走」亦正式展開，除咗上周末舉辦嘅專才導賞團，嚟緊至下月8日，市民只要喺南豐紗廠、如心廣場、戲曲中心同K11 MUSEA等地，聽住官網嘅「星」音導航完成「指定任務」，就有機會贏取iPad、「紙可拍」環保相機等豐富獎品。

另外，仲可參加網上「A-Z綠建減碳卡」活動，喺官方fb或IG留言選出「最能代表環保行動」嘅英文字母，一樣有機會得到本地插畫家精心設計嘅減碳卡。詳情可瀏覽香港綠色建築議會fb專頁。