我要做業主2｜黃庭鋒靠台慶百萬大獎成功上車 慳家孝順仔：我平時唔使錢

黃庭鋒於2018年無綫的台慶大日子，幸運地獲得100萬元巨獎，當中包括51萬元現金及49萬元禮品。身為孝順仔的他本來計劃給父母花費，將獎金作為兩老豪遊澳洲的使費，可是他們未有動用，反過來提議兒子將款項用作首期，最後於2020年成功購入天水圍一個新樓盤。黃庭鋒升呢成為業主，其演藝事業亦處於上位階段，有機會同視帝馬德鐘合作新劇《雙生陌生人》外，又同湯洛雯、蔣志光及歐陽偉豪等合演另一齣劇集《OPM》，更擔正做男主角。

{{hket:inline-image name="09272002.jpg"}}{{/hket:inline-image}}

{{hket:inline-image name="tingfung0602_233140735_191006669717144_8171783039411703987_n.jpg"}}{{/hket:inline-image}}

同場加映：Ronny@Mr.疫情馬死落地行轉型求生 「台上受擁戴 台下都要搵食」

{{hket:ul-video id="4228"}}{{/hket:ul-video}}

黃庭鋒這日擔任《我要做業主2》的嘉賓，分享上車的心路歷程外，主持人李旻芳更帶他去參觀現樓，預演一次收樓過程，他笑說：「啱啱上車嗰吓係好興奮，超級興奮。講到尾都要多謝公司，喺2018年台慶贏咗個大獎，現金有51萬，同埋有49萬嘅禮品，夾埋就100萬；嗰筆錢其實一路諗住畀媽媽任用，佢好似想話去澳洲，我就話攞去啦，跟住佢一啲都冇郁過，咁啱有次我哋行過去睇樓，媽媽嗌去望望，我又冇話好大慾望……見環境唔錯，又保育，又濕地公園。自嗰次之後，佢隔兩日就同我講一次，話筆錢不如唔好嘥咗擺喺度，不如用嚟畀首期上車……嗰吓叮一聲，係喎！」黃庭鋒指一家人在大約2、3個星期後，將想法付諸實行。

Think Big｜黃庭鋒無悔放棄做英超戴翅偉 做藝人父母唔憂低收入反而最驚……【下一頁】

提到個人理財方面，黃庭鋒說：「媽媽好細個就同我講要儲錢，畀咗呢個概念我，同埋我唔係好大使。（收入有幾多成用作儲蓄？）我會儲一半……到我郁嗰筆錢時決心又唔係好大，擺喺銀行覺得好穩陣，所以冇好急切去做呢樣嘢……但後尾發覺一味去拖就上唔到車，一諗又會拖多1、2年，總會有啲想法令整件事慢咗落嚟……又唔係亂咁使，有咗部署就要決定果斷，當你覺得呢個係正確選擇時，就應該去做。」

再見《香港原味道》？｜黃庭鋒拍足5輯新丁變元祖級 感激譚玉瑛加持有運行【下一頁】

黃庭鋒在單位內飽覽濕地公園的景色後，一臉雀躍地表示：「從來冇試過住嘅地方係有露台，我覺得Dream House要有個露台，媽媽每次同我講全香港得一個濕地公園，你就住喺呢度啦。可能主持過《香港原味道》，對慣咗大自然，呢個環境幾適合自己；加上呢度嘅玻璃唔會反光，係用嚟保護啲雀仔，成個概念係好好。對於我嚟講就係環境至上，你喺都市做完嘢返嚟，喺呢個環境完全可以放低工作嘅感覺。（覺得有升值潛力？）有睇過呢度出租都差唔多要萬二蚊，佢嘅潛力係幾大，覺得會一路升上去。」

（↓點擊放大睇圖片↓）

黃庭鋒榮升業主後，其理財概念亦有轉變，他說：「而家每個月差唔多有一半嘅錢都供喺度，一開始有少少唔慣，我平時唔使錢㗎，點解冇咗咁多……其實係擺咗去供樓，所以又覺得係值得。當上咗車後你可能不斷發覺升緊（指樓價），某程度上係改變咗我諗法，不過又未去到好極端，會即刻去買下一間屋。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】