林子博移英一個多月嘆「唔容易」 租唔到樓住酒店子女難撲學校

林子博太太董燕君（Shirley）去年10月因癌症離世，受妻子離世打擊，早前他帶同16歲長女詠渝及12歲幼子卓楠低調離港到英國展開新生活，至今在英國已經居住了一個多月。子博設立個人頻道，拍片分享生活日常，直言移民並非想像中簡單，網民睇完影片後，都紛紛為呢位單親爸爸送上祝福。

同場加映：Ronny@Mr.疫情馬死落地行轉型求生 「台上受擁戴 台下都要搵食」

{{hket:ul-video id="4228"}}{{/hket:ul-video}}

子博昨晚於社交平台透露開設YouTube channel「子博在英國」，籲網民訂閱。始終要適應新生活兼照顧一對子女，見片段中子博面容疲累，令人感到生活真係一啲都唔容易。子博喺香港冇正職都冇物業，故瀟灑帶小朋友去英國，「今次去英國帶了4個大篋，5、6袋物品，1支結他，船運物品有28箱，相對其他人嚟講已經唔算多……除咗衫褲鞋襪，仲有數碼鋼琴、木箱鼓、卡拉OK同電腦等。希望啲嘢唔好咁快送到，因為未有地方住，到咗就要寄倉，寄倉又要畀租金，唔好急，好似呢度生活要慢活。」

{{hket:inline-image name="1.JPG"}}{{/hket:inline-image}}

子博不禁概嘆好多事情並非想像般簡單：「起初打算搵酒店落腳先，我揀曼城因為佢係英國第二大城市，而且倫敦我住唔起，住酒店同時要搵租盤，原來呢度啲業主唔係隨便租單位畀人，要睇你有冇工作證明。曾經聽人講過願意交一年租金就會租到地方，但原來業主又不一定肯租，所以現在仍然搵緊樓住。」子博坦言住酒店非常不便，冇爐火又冇得洗衫，所以要日日落街食飯和拎衫去洗衣舖洗。一對子女更因為未有固定居所報唔到學校，「小朋友返學要有住址證明，你可以去住Airbnb，但有啲人話民宿未必可以，要有正式租約，攞住地址先可以報市政，然後幫小朋友搵學校……所以未幫到小朋友報學校。」

子博仲有啲「思鄉」，掛念香港美食，「喺度要食漢堡包、沙律、pizza，有時都食到中餐，炒麵炒飯，冇喇，最多係呢啲……所以好掛住香港茶餐廳，沙爹牛肉麵！好掛住香港嘅豆腐花、粥、油炸鬼、越南湯河、泰菜……香港真係有好多美食。」子博嚟到英國最順利都算係出車，去到當地如果冇車係去邊都唔方便，「第一時間係租車，當地生活節奏慢，都花咗3星期先成事。始終入鄉隨俗，不可以將來香港生活節奏帶嚟呢度。」

子博曾經想以「技術移民」身份到加拿大，可惜「唔夠分」最終告吹，「當地電視台都要保障國民，如果請一個海外嘅人過嚟打工，程序好繁複，要有好多解釋，我理解，所以我過唔到。雖然加拿大政策可以揀讀書移民，可惜我英文程度低，讀書首要考英文試，我未必得。」最後子博選擇英國，而英國嘅教育喺世界排頭幾位，對佢一對仔女未嘗唔係好事。