楊卓娜被「最強小三」霸佔女主人位 出甫宣示主權：老公被人搶咗！

「最強繼母」楊卓娜同本身育有兩女嘅楊志翹拍拖多年，2009年再為對方誕下女兒楊舒然，同年傳二人已註冊結婚。轉眼間三女已經11歲，二人仍然未結婚。楊卓娜指佢哋並非唔想註冊，只係一直左拖右拖，就好似屋企大掃除，要好大決心。楊卓娜認為結婚一生人一次，想大家都有難忘的回憶，但籌備需時；每次想實行時，都有其他事情要處理。不過佢就話相信兩個人的關係多於一張紙，因為男方給予佢信心，當佢有呢個信心時，一紙婚書只係一個形式同法律文件。

同場加映：  Ronny@Mr.疫情馬死落地行轉型求生 「台上受擁戴 台下都要搵食」

{{hket:ul-video id="4228"}}{{/hket:ul-video}}

不過噚日楊卓娜就喺社交平台自爆同老公之間出現咗「最強小三」。楊卓娜post出一張相，相中老公被一個矮佢大半個頭嘅妙齡少女環抱住，雖然只係背影，但都見到佢哋好親密，楊卓娜留言：「老公被人搶咗！#最強小三 #我都想畀人爭」不過網民見到完全冇畀佢嚇窒，一眼就認到妙齡少女係佢三女舒然，唔少網民都搞笑留言話佢呢次輸得心服口服:「自己人，冇辦法啦」、「一世唔可以嬲的女人」、「你由你老公開心幾年吧！到個女識到男朋友……阿爸就放埋一邊！」

{{hket:inline-image name="241139821_399327181553325_9106509776481061249_n.jpg"}}{{/hket:inline-image}}

又有網民留言話被前世情人搶老公，呢世都要啞忍，不過楊卓娜就分享咗當日一件趣事，就係「最強小三」公然搶咗佢嘅女主人位，佢立即宣示主權：「今朝一出車，佢搶咗我嘅司機旁邊乘客位，我毫不客氣命令佢坐去後座！我話前座係我嘅！」網民就留言安慰：「坐邊都無所謂，最緊要老公錢全歸你，錫你就掂啦!」楊卓娜回覆原來佢咁堅持坐女主人位係因為如果坐後座，自己會暈車浪呀！

雖然楊卓娜「公審」佢兩父女，但其實亦知道老公非常錫自己。楊卓娜曾大讚老公細心，去旅行時自己咩都唔需要準備；屋企所有雜費都係老公處理；闖禍老公會幫佢善後；只要佢開聲，無論幾早幾夜都會管接管送；如果想食宵夜，老公會馬上揸車由西貢去旺角買。

不過楊卓娜同老公都唔係一開始就咁順利，佢曾多次拒絕老公，直到有次老公提議做普通朋友，話之後未必有時間陪佢，令佢感覺失去咗啲嘢；而當老公真係減少聯絡，後來又想同另一個女生開始時，楊卓娜先確認自己真係喜歡對方。由於楊志翹本身有兩名女兒，所以楊卓娜家人既擔心她會受到委屈，又怕她與兩女不能和平共處。幸好老公給予岳母好大信心，所以二人決定交往時，媽媽都支持。

圖片來源：Facebook

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】