姜濤緊張失準片段商台照Post 網上付費直播狂Lag網友睇到嬲

姜濤、柳應廷（Jer）、林家謙及Tyson Yoshi合力演出的拉闊音樂會今晚在機場博覽館舉行，由於這次的組合非常新鮮，而且姜濤和柳應廷一向是MIRROR的人氣成員，今次拉闊音樂會門票可謂一票難求。商台特別安排網上付費直播，只要網友付費購買相關的計劃，就可以獲得直播連結欣賞音樂會。商台全程都密密在社交媒體分享當晚的盛況，特別是四位表演者各自的出場演唱的片段；其中姜濤出場唱《蒙著嘴說愛你》一曲時，未知是否太緊張，導致有少少走音的情況，片段照在商台的IG和FB推出，不少網友都紛紛留言為姜濤打氣加油！

同場加映：【娛樂直擊】陳家樂符碌叨光中六合彩 劉佩玥被爆手機睇鹹網

{{hket:ul-video id="4229"}}{{/hket:ul-video}}

姜糖放心晒丨姜濤暈倒後蒲頭曬V字手勢 報平安：聽花姐話會好好休息【下一頁】

{{hket:inline-image name="kt2.jpg"}}{{/hket:inline-image}}

在DJ 雲妮的後台直擊照片所見，姜濤開騷前明顯心情緊張，坐在台邊的樓梯邊發呆，幸好拍戲認識的前輩毛舜筠特意捧場兼入後台打氣，令姜濤一展歡顏。而帶病上陣的隊友Jer前一晚在社交平台說：「開SHOW又黎（嚟）氣管敏感……係咁收縮好辛苦」，幸好最終都能夠順利完成演出。

姜濤精神開工認身心壓力大 鬼馬偷拍毛舜筠瞓覺遭還擊【下一頁】

不少網友都留言指網上付費直播畫面不穩定，經常出現「Loading」的字眼，不斷Lag，令大家睇到火滾。商台小編隨即已留言教大家解決方法，而開騷不久商台亦宣布相關付費計劃已經售罄，反應比預期踴躍。網友留言說：「商台回水呀喂！」、「係咁斷……一首歌load幾廿萬次！」、「今次真係令我好失望，希望你會改進，完全睇唔到！」等等。不過亦有網友反映跟小編講的方法用「Source2」睇，就非常順暢，未知能否平息阻大家睇偶像的怒火？

{{hket:inline-image name="kkadh.jpg"}}{{/hket:inline-image}}

商台FB片段：

{{hket:facebook-video id="182878877309074"}}{{/hket:facebook-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】