青島拍戲切蛋糕慶祝「登六」 劉德華談隔離生活︰日日食同瞓

天王劉德華（華仔）昨日60歲大壽，身在青島拍戲的華仔，原來早已預錄短片大唱金曲，與粉絲分享「登六」喜悅。壽星仔提及過往曾三次經歷隔離生活，令一向勤力如牛的他要改變自己。華仔感觸地說︰「我完全放空自己，乜嘢都無做，未試過咁懶。」

華仔現正身在青島，拍攝彭順執導的新戲《危機航線》，他在戲中飾演退役特警，與內地女星劉濤合作。昨日牛一，華仔依然要開工，獲劇組送上生日蛋糕賀壽，定必甜在心頭。華仔向各大粉絲說︰「今天（昨日）生日在工作中度過，感謝所有工作人員和『家人』（粉絲）祝福，未來日子期望與大家繼續分享美好時光。」

時日如飛靠視像「見面」

往年華仔在生日月，定必舉行大型生日會與粉絲相聚，不過去年因新冠肺炎疫情肆虐而停辦，僅製作網上直播演唱會獻給粉絲。華仔前晚踏入60歲前夕，亦特別於官網「華仔天地」發布一段約15分鐘的短片，跟粉絲分享「登六」的喜悅。短片中，華仔高唱經典金曲包括《忘情水》、《月亮代表我的心》等，又跟粉絲大談生日心情，華仔謂︰「去年生日我做咗個直播，無諗過咁就一年，但今年因為由原定14日隔離，變成21日隔離，出返嚟（隔離完畢）已經要拍戲，今日就用呢個時間錄咗呢個『見面』，唔好講節目，生日要跟大家見見面，希望你哋開心有呢個聚會。」

約定粉絲冀夢中相見

一向愛錫粉絲的華仔，為顧及各方影迷，短片中除了講廣東話，間中亦以普通話發言。不過，可能由於工作繁忙，華仔聲綫略見沙啞，但專業的他唱歌時依然保持高水準。華仔特別回憶過去三次的隔離生活，感受甚深，他苦笑道︰「今次無以前咁做運動、練歌、睇劇本，我完全放空自己，乜嘢都無做，從未試過咁懶，呢21日只係食同瞓，想肥啲但竟然無肥到。」短片尾聲，壽星仔希望生日後世界回復平靜及健康，並感性地道︰「我約好你哋，我哋夢中見，好嗎？」最後短片播出華仔近月乘飛機及坐車，穿梭香港及內地的片段。很多粉絲祝福偶像生日快樂，希望他順利完成工作盡快返港。

撰文︰Steven

美術︰顏玉玲