羅蘭家貧17歲出道入行 信仰無阻演「龍婆」一角

現年86歲的羅蘭，原名盧燕英，她在50年代瞞住媽媽拍戲，賺到第一份人工都不敢讓媽媽知道。羅蘭接受楊紹鴻、江美儀主持的電台節目《一起走過》訪問，透露因為家窮，17歲便要幫補家計，可惜讀書不多，不懂英文，所以應徵不成百貨公司售貨員一職。後來有同學提議一起去看拍戲湊熱鬧，梳了兩條孖辮的羅蘭，走到片場，突然有名劇務叫著她，「佢話『我哋而家要一個妹仔，陣間導演點講，你就照做啦！』當時演員有李鵬飛（粵語片有「銀壇探長」之稱），最後導演收貨，我有10蚊人工，嘩！當時10蚊係好多錢㗎，1蚊可以買好多斤米㗎！我都唔敢話畀阿媽聽。」

同場加映：張松枝16歲被捧為卡拉OK王子 感激古天樂幫助度過事業樽頸

{{hket:ul-video id="4453"}}{{/hket:ul-video}}

{{hket:inline-image name="20.JPG"}}{{/hket:inline-image}}

{{hket:inline-image name="25.jpg"}}{{/hket:inline-image}}

紙當然包不住火，有一日，一位劇務上門找羅蘭，「佢叫我去（拍攝）連戲，我阿媽終於知，佢話『咁多嘢你唔做，你走去做戲？』然後唔畀我出門口，劇務當時好驚，佢同我媽講如果我唔去，佢會冇咗份工，我阿媽就心軟喇！要求跟埋我去。」當時月薪有百多元，於是她開始一邊讀書一邊拍戲的生活。

1960年代，她拍完《電梯情殺案》後，當時嶺光製片公司老闆要她飾演反派角色，她十五、十六，於是問前輩意見，「有個前輩話呢間公司好呀，林翠都係佢哋捧出嚟㗎，所以叫我唔使驚，咁我就簽咗3年，同埋改咗藝名『羅蘭』。」

85歲羅蘭換膝蓋手術後忍痛開工 保持健康早餐堅持食兩樣食物【下一頁】

{{hket:inline-image name="21.jpg"}}{{/hket:inline-image}}

{{hket:inline-image name="24.jpg"}}{{/hket:inline-image}}

{{hket:inline-image name="26.jpg"}}{{/hket:inline-image}}

{{hket:inline-image name="27.jpg"}}{{/hket:inline-image}}

1969、1970年是電影的低潮期，但幸運地，在1971年，羅蘭獲邀加入無綫參與《歡樂今宵》，主持「701服務公司」這個環節，之後開始有監製找她拍電視劇，她參與的劇集多不勝數，包括《狂潮》、《網中人》、《楚留香》、《親情》、《楊門女將》、《新紮師兄》、《他來自江湖》、《卡拉屋企》、《娛樂插班生》、《老表，你好嘢！》，直至早前播映的《七公主》等等；更憑電影《爆裂刑警》獲封《香港電影金像獎》影后，成為史上最年長的影后人馬。

羅蘭有印度血統後生索到爆 獨居多年 85歲仍單身竟然因為...【下一頁】

羅蘭是一名虔誠的天主教教徒，但她演繹「龍婆」一角卻令觀眾留下深刻印象，「我係一個演員，咩戲我都演，所以從來都冇諗過宗教呢樣嘢；有次錢昇瑋導演搵我拍《七月十四》，演一個聾聾地、又盲，經常唸經唸佛嘅阿婆，但有隻嘢附咗喺呢個阿婆身上，個阿婆就會變得好兇惡！男主角係劉青雲，女主角係一個台灣小姐（陳明真）， 戲中講佢哋揸車走嘅時候，呢個阿婆被惡魔附身，好兇惡咁向架車撲出去！嗰場戲嚇到觀眾離晒凳，佢哋又驚又鍾意睇，嗰套戲嘅正場、午夜場爆晒，跟住第二啲電影都加入『龍婆』呢個角色。」在演藝圈70年，甚麼角色都做過，她表示沒有遺憾，至有否想過退休，羅蘭坦言擔心記憶力衰退，所以會減產，盡量做！

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】