拉闊音樂會│姜濤有兩個媽媽打氣越唱越勇 約定下次同花姐跳辣身舞

姜濤、柳應廷（阿Jer）、林家謙同Tyson Yoshi昨晚在機場博覽館舉行風火雷電拉闊音樂會，音樂會門票一票難求，姜濤的媽媽、「戲中的媽媽」毛舜筠、谷德昭、林子萱、MIRROR其餘成員、陳志雲等都有撐場，場面非常熱鬧。音樂會開始前，門外已經有不少應援物品派發，又有各歌手的氣球肖像擺設，讓歌迷們排隊打卡留念。

{{hket:ul-video id="4259"}}{{/hket:ul-video}}

四位歌手輪流獻唱，冧暈台下的觀眾，姜濤初出場可能緊張的關係，水準未太穩定，不過後來越唱越勇，越Chok越型，特別帶來一段隊友個人單曲的Medley，先後唱出AK的《特登》、Ian的《DWBF》和Anson Lo的《不可愛教主》，其中姜濤跟女舞蹈員有火辣辣的貼身舞，更一度轉身作狀狂咀女方，令觀眾醋意大發尖叫聲不絕。姜濤感性獻唱《Dear My Friend》時一度下跪，似乎是要向離世的好友作出致敬。至於形象向來是斯文書生的林家謙竟然挑戰跳舞，令不少人都大感驚喜；Tyson Yoshi更一時興起，將上身衫除去，露出超強上半身肌肉，台下連叫聲連連。

姜濤精神開工認身心壓力大 鬼馬偷拍毛舜筠瞓覺遭還擊【下一頁】

{{hket:inline-image name="800_6cafc721-5f9f-41ec-a844-1700efb11f95.jpg"}}{{/hket:inline-image}}

{{hket:inline-image name="800_cbe832a9-d593-493c-ad26-911bbdd63f66.jpg"}}{{/hket:inline-image}}

音樂會壓軸環節，姜濤、阿Jer、林家謙和Tyson Yoshi四人合唱《蒙著嘴說愛你》，又帶領全場Fans大合唱，最後再獻唱《未知道》及《致明日的舞》，掀起全晚高潮。事後，四子接受傳媒訪問，可見他們在籌備今次音樂會的過程中，建立不錯的感情關係，訪問過程中不時互窒互寸，非常有趣。對於今次演出，他們給予自己70分，略算滿意表現。

姜濤Deep V上陣，阿Jer笑他打算硬撼爆肌Tyson，姜濤說：「我都好希望可以練好啲身材，（練好就騷？）唔知呀，我都未曾有過，希望有啦！」他表示今次好開心跟林家謙合唱，希望將來有機會再合作，而林家謙憶起兩年前他們的第一次合作，當時林家謙擔任監製，他自認處女座不斷挑剔姜濤的懶音，但其實是為他好，希望對方不會生氣。姜濤說：「唔會啦！我而家聽番當日個Demo，我都聽唔到落去。」

姜糖放心晒丨姜濤暈倒後蒲頭曬V字手勢 報平安：聽花姐話會好好休息【下一頁】

至於姜濤跟女舞蹈員有辣身舞扮錫錫，他解釋是表演的一部分，希望大家睇得開心。阿Jer立即打趣問：「下次可以考慮吓錫花姐！」姜濤未有反對，笑言：「大家可以投票，投花姐一票！」這時阿Jer周圍望，不見花姐在附近，立即說：「我可以喺佢跳舞時再用香檳淋佢全身！」

{{hket:inline-image name="800_ce9c9cdd-a8ed-4391-9b1b-bf44a9117ed9.jpg"}}{{/hket:inline-image}}

{{hket:inline-image name="800_7b30d771-66ba-460e-aef0-74fc00c12c5a.jpg"}}{{/hket:inline-image}}

Tyson除衫騷肌肉成為焦點，訪問時他怕怕醜醜話：「唔小心跌咗件衫，咪順住個勢去，（跌咗嘢唔好執！）係，你講得冇錯！林家謙你隻手露一忽，其實咁樣有咩意義？」阿Jer笑言這是林家謙戰衣的設計特色，「手袖中間有窿係想突顯林家謙青筋，唔係人人做得到……我覺得Tyson渣啲囉！今次冇跳舞。」身旁姜濤即刻衝出來反問：「你又咩？你夠冇跳！」阿Jer解釋平日跳得太多，今次就不跳，如果將來同Tyson再合作，一於一齊跳舞，一齊「跌」衫，姜濤話：「除衫？真係唔好啦你！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 
 

責任編輯：楊安莉