輝哥為食遊IV｜馬時亨大學走堂打4份工還貸款 視家庭最大成就：湊孫為樂

前財經事務及庫務局局長馬時亨擔任《輝哥為食遊IV》壓軸嘉賓，原來他跟主持人吳錫輝是大學同學，二人相識50年，交情不淺，自然話題無數。他們在節目內互相爆對方料，氣氛搞笑。

{{hket:inline-image name="09282006.jpg"}}{{/hket:inline-image}}

{{hket:inline-image name="09282007.jpg"}}{{/hket:inline-image}}

同場加映：Ronny@Mr.疫情馬死落地行轉型求生 「台上受擁戴 台下都要搵食」

{{hket:ul-video id="4228"}}{{/hket:ul-video}}

馬時亨叫吳錫輝做「飛仔」，爆對方大學時期有好多女朋友，他搞笑話：「你而家已經唔係『飛仔』，改變了形象，不過我識你嗰時係『飛仔』嘛……嗰時你識好多女朋友，你又鍾意音樂，𠱁女仔好掂。」吳錫輝反駁當年得一個女同學最好傾，就是名導演張婉婷，而大家同樣是修讀英國文學。

輝哥為食遊IV│阮兆祥視「福祿壽」為事業高峰 出碟受挫：我有咩輸蝕畀人？【下一頁】

吳錫輝隨後反擊追問馬時亨，指他當年行蹤很神秘，在學校經常見不到他的身影，馬時亨笑笑口答：「我唔係神秘，係成日走堂去教書，我第二年幾乎冇返過學，除咗上所謂嘅Tutorial（導修）之外，冇喺過學校出現過。嗰時我做4份工，嗰時讀大學個個都揹住好多貸款先入到大學……又要養屋企，我有3個細佬妹，阿媽喺工廠做，我都要做嘢。」吳錫輝指他亦有去補習賺生活費，指1972年時有500元月薪，馬時亨聞言即話：「吓，你唔介紹畀我？我嗰時1970年未入大學，成個月都係430蚊人工，喺銀行做文員。」

輝哥為食遊IV│江碧蕙腎病陷低潮患上抑鬱症 為生BB三年內做九次試管嬰兒【下一頁】

馬時亨曾涉足政商兩界，被問到個人「心水之作」，他表示：「做人差唔多有70年，好多『心水之作』，家庭上就梗係娶到我老婆，因為有咗老婆，就生咗兩個女，而家眨吓眼就有六個孫。但如果話我工作咗47年以來，最開心係我喺加拿大工作嘅時間，嗰時1979年受到人歧視，一個人喺外面闖天下唔容易，我喺股票市場上做得唔錯，所以畀我闖出一個天地，望番轉頭滿足感非常之大。」馬時亨指現時最開心是湊孫，就算有多大的煩惱都會一掃而空。

（↓點擊放大睇圖片↓）

對於多年來任職多間大機構時總是遭到別人批評，馬時亨處之泰然話：「人哋話養生之道，第一就係心態，承受壓力一定會有，每份工都有壓力，你有你壓力、我有我壓力，好多嘢要放得低。（可以放得低？）我真係放得低，做嘢時就好搏，做完就放得低。除咗自己嘅心態，都有人幫手嘛，係要靠同事，你一個做得晒咩？唔瞓都做唔晒，有好同事幫你就得。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】