盧海鵬性格火爆曾追打江毅 踢爆李家鼎愛欺善怕惡

盧海鵬曾扮過羅文、達明一派、盧冠廷、周潤發、鄧碧雲、泰迪羅賓、張國榮、譚詠麟、徐小鳳等，尤其是扮欣宜時，「肥姐」沈澱霞更笑到失禁，其後在亞視節目《香港亂噏》（2009年），鵬哥又扮過日本男星木村拓哉、朱咪咪，惟俏惟妙，「扮嘢天王」這個稱號，他絕對當之無愧。鵬哥接受由楊紹鴻和江美儀主持的電台節目《一起走過》的訪問，他說：「冇嘢㗎！做戲之嘛，做戲即係扮人，扮人即係做戲。」楊紹鴻表示最重要是鵬哥扮得似，鵬哥說：「呢個就係我嘅特點囉！」

同場加映：【拉闊音樂會】姜濤望下次與花姐跳辣身舞 阿Jer挑機Tyson齊跳舞找數

{{hket:ul-video id="4259"}}{{/hket:ul-video}}

{{hket:inline-image name="54.JPG"}}{{/hket:inline-image}}

{{hket:inline-image name="79.JPG"}}{{/hket:inline-image}}

畢業於上世紀七十年代無綫第三期電視藝員訓練班，鵬哥就擔綱一些重要角色，但他表示這段時間沒有想過自己是否幸運，純粹覺得要搵食，「雖然冇錢，但我鍾意做戲，我喺大陸已經想考電影系，點知高中畢業之後，全國（戲劇學院）都唔招生。」當年在《民間傳奇》中，鵬哥多數飾演老爺、大官等角色，周潤發等還是「茄哩啡」（臨時演員），他說：「仲有阿達（吳孟達）成日扮小生，單手插住個袋，懶係斯文咁樣，我叫佢唔好扮呢啲啦，你去到彌敦道，一槍都唔知打死幾多個啦，你呢啲咁嘅人！我同佢講，總之我做乜嘢你做乜嘢，跟我去做喜劇啦，所以喺《歡樂今宵》入面有個短劇『阿鵬與阿達』，咁發仔（周潤發）就成個小生咁。發仔平時係著背心、拖鞋咁返嚟，又亂噏嘢，我叫佢執番套西裝，等啲導演睇到你係小生咁嘅款，你咪有機會埋位囉！之後有齣劇《江湖小子》，因為黃韻材整親隻手，所以要揀過另一個人，於是就揀咗發仔。」

風雨不改｜79歲盧海鵬獲發哥接送上山跑步 改善腳痛問題：身體比以前好咗【下一頁】

回想1976年拍無綫劇《書劍恩仇錄》，鵬哥坦言心情好複雜，「因為係武俠片，又要騎馬，又要受李家鼎嘅氣，佢係欺善怕惡，佢一捶就打過嚟㗎喇！佢覺得我都唔嘢少嘅，我做《西遊記》嘅時候，佢見我耍嗰枝禪杖，覺得我都學過嘢（功夫），所以一見到我就想起拳，咁我就（粗口橫飛）……」此時，楊紹鴻和江美儀幾乎笑到失聲，楊紹鴻笑說：「所以話盧海鵬講粗口係唔覺㗎，連你自己都唔知！」

{{hket:inline-image name="11.JPG"}}{{/hket:inline-image}}

{{hket:inline-image name="15.JPG"}}{{/hket:inline-image}}

{{hket:inline-image name="12.JPG"}}{{/hket:inline-image}}

性格火爆的鵬哥，經常與其他人頂嘴打交，他憶述在劇集《宋江怒殺閰婆惜》（1975年）時，扮演李逵的他，忍不住追打江毅，「我又多戲，又要黐鬢，自己又係新（人），已經谷到好辛苦，旁邊嗰隻江毅就喺度『唔該你啦！唔記得對白就多啲讀吓吖嘛！』係咁彈我……我就一路忍，一拍完嗰場戲之後，我就拎住斧頭，我叫佢『你唔好走呀』，我一路追，一廠打到去二廠！」另外在拍攝無綫古裝劇《仁者無敵》（1980年），因為一個工作人員因笑他黐鬢，鵬哥無名火起三千丈，一掌就打埋去！

《一起走過》10月回歸｜寶珮如接江美儀捧做新一輯主持 楊紹鴻碌爆人情卡 講明見好就收【下一頁】

{{hket:inline-image name="80.JPG"}}{{/hket:inline-image}}

{{hket:inline-image name="101.jpg"}}{{/hket:inline-image}}

{{hket:inline-image name="100.jpg"}}{{/hket:inline-image}}

{{hket:inline-image name="800_2d11ba169827222f47c556cd4a2ea2ad.jpg"}}{{/hket:inline-image}}

{{hket:inline-image name="800_cca2406a2734c4871a54dc3aaa5ab7cf.jpg"}}{{/hket:inline-image}}

鵬哥指家中有3兄弟，外人都稱他們做「三大霸王」，他說：「我最好打，好好火，我喺大陸教書都打學生，因為個女生講粗口，我教緊書，佢整啲阿媽出嚟（說粗言穢語），我話『唔好喇，你尊重我，我尊重你呀，你唔好再講』，但佢係慣咗口頭禪，話唔講啫，第一個字就係（粗口）喇！我係咁鬧佢，佢係咁喊，鬧足一堂，點知佢喊到連校長都知，校長叫咗我去傾偈，我話我咁嘅脾氣，教唔到書，我唔教喇！校長話『唔係話脾氣問題，呢個係階級感情嘅問題。』唉，佢講到呢度，我話『OKOK，我改』！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】