《魷魚遊戲》｜譚俊彥撞樣李政宰獲圈中人認證 收遊戲邀請卡即刻耍手擰頭

Netflix韓劇《魷魚遊戲》自播出後討論度持續高企，更於全世界掀起「魷魚」熱潮。劇集上架一星期已是戲劇排行榜全球冠軍，劇迷大讚劇情刺激過癮，而不少香港觀眾都認為飾演主角「成奇勳」的韓國影帝李政宰與無綫小生譚俊彥撞樣，令劇迷好有親切感！而日前譚俊彥真係獲邀參與「魷魚遊戲」，唔知佢會唔會應承參加，爭奪456億韓元（約3.25億港元）獎金？

{{hket:inline-image name="808.png"}}{{/hket:inline-image}}

{{hket:inline-image name="8989.jpg"}}{{/hket:inline-image}}

新劇《換命真相》將於下月播出，呢日主角譚俊彥同鄧佩儀為劇集拍攝宣傳片，兩人趁空檔時間拍片自娛，拍片模仿《魷魚遊戲》中的情節。片中鄧佩儀將一張畫有正方形、三角形和圓形的邀請卡遞給譚俊彥，更用英語問對方：「Do you want to join the games?（你想唔想參加遊戲？）」不過譚俊彥接到張卡之後就耍手擰頭，似乎對不感獎金興趣。

好多人睇完條片都有同一感受，就係譚俊彥真係好似李政宰。有唔少藝人係留言區起哄，如湯洛雯、劉佩玥及周志文等，都笑指兩人簡直係餅印。蔣家旻表示：「我睇完套劇抽離唔到，根本就係佢！！！」而區永權則問：「『456成奇勳』真身？」

譚俊彥早前接受《晴報》訪問時都表示連日嚟都收到唔少朋友嘅截圖，話佢哋好似樣：「首先多謝啲網友留意啦，係有幾個角度有啲似嘅，嗰位演員都係一個好好嘅演員，其實我之前都有留意佢嘅作品。呢幾日好多好多朋友，圈外嘅、圈內嘅都有Cap圖畀我。」

見到譚俊彥咁似李政宰，有網民表示：「搵佢拍港版《魷魚遊戲》啦！」而有其他網民仲幫《魷魚遊戲》其他角色搵港版人選，大家又覺得似唔似？

譚俊彥泡菜劇《魷魚遊戲》做男一？ 撞樣韓國史上最年輕影帝李政宰【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】