【出道22周年】容祖兒執導新歌MV剖白愛情世界 「曾經好努力 最後都要無奈放低」

容祖兒近年全力在內地發展，甚少時間留在香港，適逢今日（29日）是她出道廿二周年的日子，令人意想不到的是她特別推出全新廣東作品《不配》。今次祖兒特別親自操刀執導MV，「一切都係嚟自我對呢首歌嘅感情，我好喜歡呢首歌嗰種無奈同埋成長嘅智慧，所以我喺度諗，要搵一個好明白我對呢首歌嘅感情嘅人，其實都比較難，與其係咁，不如我自己做番導演，去令到呢首歌有一個喺我腦海裏面嘅影象出嚟。」不過祖兒坦言面對不少難題，「以前被拍，但今次係發出指令，話畀camera man、舞者知道呢個動作同歌詞嘅關係、點樣呈現出嚟。又要攞唔同嘅鏡頭去捕捉唔同嘅角度，14、24、30、50，你要記住呢啲鏡頭嘅距離同作用，對我嚟講都係一啲難度。」

同場加映：張潔蓮嫁了對的人卻常被冠錯夫姓 與袁文傑婚後關係仍如老友

{{hket:ul-video id="4267"}}{{/hket:ul-video}}

【入行21周年】容祖兒趕尾班車40歲領十大傑青 「我出身基層為尋夢不怕辛苦」【下一頁】

{{hket:inline-image name="IMG_8511.jpg"}}{{/hket:inline-image}}

{{hket:inline-image name="_LIM8500.jpg"}}{{/hket:inline-image}}

首次擔任導演，為了令過程更加流暢，祖兒選擇男女主角以現代舞的方式去完成這一次關於遺憾之美的表達，「全部都好優美，因為每個動作其實都係根據番歌詞嘅起承轉合，同埋嗰種好努力但最後都無奈要放低，嗰個感情我都覺得好動人。」問到歌曲是否自己的親身經歷，祖兒笑言說冇經歷過，都好難說服到自己，「我相信一百個人聽呢首歌都有一百種對號入座嘅方法。愛情更多嘅唔係同唔同到對方行到去最後，其實係令對方成長，更加清楚自己係一個需要啲乜嘢嘅人。雖然唔能夠一齊，但係可以互相祝福，希望大家仍然活得快樂，我覺得係一個成熟嘅相處。」

容祖兒場場超時罰款合共過百萬 碌爆人情卡望同古天樂演歌舞劇【下一頁】

入行廿二年，祖兒亦感觸甚深，「其實要堅持22年真係一件唔容易嘅事，喺呢二十二年入面繼續遵守自己諾言、繼續成長，好多謝身邊每一個去幫助我嘅人、我嘅歌迷、我屋企人。所以我成日都會覺得用自己嘅作品去代替自己想講嘅所有說話，希望將來每一日都可以比之前每一日進步，繼續做好啲自己，希望鍾意聽我唱歌嘅人仍然聽到我好用心演繹每一首歌。」

而跟祖兒出生入死22年的經理人霍汶希都有感觸出Post，她說：「親愛的祖祖，又到了於你於我都非常特殊和重要的日子！22年前的今天，你懷著對未來的《未知》進入大家視野，盡情釋放著屬於你的獨特能量；22年裏的每一天，你都在與自己暗暗較量，每一滴汗水每一個作品每一次突破都是最好的證明。而22年後的今天，我看到你更加自信、勇敢、堅定（當然還有更加美麗）。過去的日子有太多太多的感動和值得銘記的瞬間，回想起來真的一切都美好的不可思議。祝願在未來的日子裡你依然笑得爛漫可愛！0929容祖兒出道22周年快樂，容祖兒，你永遠是我們的驕傲！」

責任編輯：楊安莉