自爆被舊公司逼整容 楊洛婷唔妥協即「被雪」

Dear Jane剛完成五場紅館演唱會，主音黃天翱（Tim）的老婆楊洛婷昨日在社交網發長文分享騷後感，更自爆曾被舊公司逼整容，她留言道︰「曾經有一段時間，我被舊公司不斷無理咁逼我去整容，因為我唔肯妥協、唔肯就範，所以就被人無情咁『掟入雪櫃』，結果我無工作無收入。當時我老公好型咁同我講，佢會用佢所有能力去照顧我。的而且確，我老公絕對有履行佢對我嘅承諾。」

楊洛婷續說︰「我試過喺Dear Jane低潮時勸我老公面對現實，甚至叫佢轉變一下佢嘅職業。依家諗番，我好慶幸佢當時無聽我講，我真係好佩服佢哋對理想嘅堅持同毅力！」楊洛婷是03年的港姐亞軍，並於14年完約無綫，她昨日回覆傳媒表示，被要求整容一事是發生在15年前。