【教主效應CK現人龍搶內褲】Anson Lo做唱跳歌手曾不被看好 舞蹈員出身將心比己恩待手足

MIRROR成員盧瀚霆（Anson Lo）近日推出個人作品《MEGAHIT》，MV推出短短日子已經打破2百萬點擊率，作為「教主」的Anson Lo叫大家一齊挑戰佢，學佢跳舞，一眾神徒齊齊進入「Uh-Oh」熱潮。舞蹈員出身Anson直認體會過伴舞的辛酸，自己能走在前面成為歌手，他都不忘初心，望盡力恩待跟他一起奮鬥的舞蹈員們。

{{hket:ul-video id="4284"}}{{/hket:ul-video}}

Anson的《MEGAHIT》這跳舞作品的歌詞特別「洗腦」，不少嬰兒界的「神徒」都成功挑戰「MEGAHIT CHALLENGE」，Anson表示：「我好希望做一首大家容易pickup到嘅歌，一齊去唱同跳，以前我嘅跳舞歌如《一所懸命》、《EGO》、《Burn Out》等，大家視覺上睇我跳，可能睇得好開心，但經常收到反映我嘅舞步好難學、好難跟。所以我今年好想出一隻歌，我幻想將來出騷，遞個咪畀觀眾時，大家能夠一齊唱，或者全場一齊做到一啲手部動作。今次我一聽到《MEGAHIT》DEMO，就知道正係我想要嘅嘢！」

Anson Lo任內褲代言大曬腹肌 「神徒」大叫救命：我好快家變【下一頁】

{{hket:inline-image name="20210927_153353.jpg"}}{{/hket:inline-image}}

{{hket:inline-image name="6062a588-6ec6-4b28-b801-810c0488aba9.jpg"}}{{/hket:inline-image}}

{{hket:inline-image name="adasd.jpg"}}{{/hket:inline-image}}

舞蹈員出身的Anson過去多首「唱跳歌曲」都大受歡迎，問到是否視快歌為「食糊」之作？Anson說：「反而唔係，由出道以來，身邊好多工作人員或者同輩同我講好難行，好多人都話香港人大部分鍾意聽抒情歌。我都明，雖然唔係百發百中嘅一條路，但我好想堅持。由《全民造星》開始，我係鍾意跳唱表演，每次大型表演一定會做，呢個係我鍾意嘅嘢亦係擅長，所以希望繼續做。」他表示自己性格跟舞台上的自己很不一樣，所以更體會到舞台表演的好玩之處。

Anson憶起做舞蹈員的時代，自己從沒想過做藝人，認為是遙遙不及的事，不過當站在演唱會舞台做伴舞時，體會到觀眾看到自己的一刻，感受非常難忘。「而家做咗幕前，更加會企喺舞蹈員立場去諗，大家真係好艱辛，經常收call就最早到，等又係最長時間，嗰種狀態係要隨時ready，隨時要跳，比普通人更加攰。而家我盡量照顧大家，包括舞蹈員同我一齊工作時嘅飲飲食食。我試聲、試位時，盡量叫排舞老師畀佢哋入房休息，因為我都自知我嘅歌啲舞步好繁複，又好需要力量去演繹出嚟，望住佢哋我有種愧疚感覺，不過唔好意思，為咗效果好睇，大家一齊奮鬥！」

Anson Lo曬浴照遭「神徒」改圖 泡泡變小丑魚勾起教主童年陰影【下一頁】

Anson表示自己一路以來獲得很多天使的幫忙，例如今次MV中出現的嘉賓，負責故事構思的花姐、導演等等，他明白凡事抱著「可能」的心態、想法會產生很多阻礙，勝在肯放膽嘗試，造就事件發生、進行，完滿地完成。「人與人之間如果好多顧累，唔溝通，其實就算性格不一樣都可以傾，交流可以碰撞出諗法。」直言自己出道頭一年多，很怕人家的目光和看法，一直不敢表達自己想法，如花姐罵他官腔、歌迷直指他報喜不報憂等。2021年是他轉變的開始，慢慢在工作上主動跟大家討論。得到別人的幫忙，Anson同樣都會為歌迷拍片打氣，特別是情緒低落的粉絲們，「拍片很容易，看似簡單，一個小行為可以鼓勵到一個人，我覺得好奇妙。」

人氣爆燈的Anson近日推出Calvin Klein內褲廣告，瞬即在網上被瘋狂洗版，今日廣告正式上架，品牌的分店門外出現長長人龍，「教主」魅力真的勢不可擋。

{{hket:inline-image name="20210927_153151.jpg"}}{{/hket:inline-image}}

{{hket:inline-image name="159ddd23-090b-4f7f-8ec0-a0c0683818b6.jpg"}}{{/hket:inline-image}}

化妝：Circle Chong、Cori Wong@Annie G. Chan Makeup Centre
髮型：Denny Ku @ Chic Private i Salon
攝影：何家賢
責任編輯：楊安莉

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】