傳因片酬反目｜細龜黃一山拆解星爺李修賢不和始末 「好多人話佢哋勢成水火」

星爺（周星馳）與李修賢早年曾傳不和，疑似與片酬有關。當年修哥獨具慧眼簽了星爺10部片約，二人首齣合作的電影《霹靂先鋒》，令星爺獲得第25屆台灣金馬獎最佳男配角獎項，從此獲得外界不少關注。星爺後來外借出去拍戲，成為當時票房保證，可是星爺收取的仍是舊合約片酬，有傳此成為二人決裂的導火線，最後修哥將餘下片約賣出去，之後他們未有再合作。

{{hket:inline-image name="09304001.jpg"}}{{/hket:inline-image}}

{{hket:inline-image name="09304002.jpg"}}{{/hket:inline-image}}

同場加映：【娛樂直擊】Anson Lo做唱跳歌手曾不被看好 舞蹈員出身將心比己恩待手足

{{hket:ul-video id="4284"}}{{/hket:ul-video}}

星爺傳因片酬跟修哥鬧分歧外，有報道指修哥曾經在片場鬧星爺演技誇張過火，曾罵他：「做咩要似隻狗咁賣力？」有傳星爺對此事放上心，拍攝《西遊記之仙履奇緣》時，曾形容自己行路似隻狗。到他拍攝《濟公》時，被戲中惡人袁霸天找上門時，對方在牆上寫上「李修緣，我誓要殺你全家」，由於緣與賢發音近似，有人認為星爺是指桑罵槐，不過據歷史記載，濟公原名正是李修緣，並非刻意取其諧音的。

一山說電影│細龜爆星爺拍《破壞之王》勁躁底 吳孟達開聲𠱁唔掂 最終靠邊個呢？【下一頁】

對於以上種種傳言，細龜（黃一山）日前在微博作出拆解，指星爺今日擁有喜劇之王的地位，除個人天賦及努力外，不得不提身邊一位伯樂，「話說星爺喺TVB係做跑龍套，之後去做兒童節目，但佢嘅風格都係無厘頭，所以一路都唔係點紅。後來好難得，1988年有部電影叫《捕風漢子》，男主角係萬梓良，女主角就係李美鳳，星爺喺入面飾演一個角色，但好遺憾部戲唔係好賣座，星爺嘅第一部電影唔賣座，當然會意志消沉，但就喺呢個時候遇到佢嘅伯樂，就係修哥李修賢，佢認得星爺做兒童節目係另類（風格），不如搵佢就簽10部戲，第一部就做《霹靂先鋒》。」

開香檳｜周星馳被前度追討7000萬 于文鳳被判敗訴 星爺祝聖誕快樂【下一頁】

細龜表示當年星爺的片酬，據知只有數萬元，不過因一簽就簽10部戲，加上《霹靂先鋒》的戲分不少，所以他也樂於接受這份合約，結果此片亦為他帶來最佳男配角獎項，事業也更上一層樓，更得到TVB的重視，在1989年接拍《蓋世豪俠》及《他來自江湖》，當上男主角位置。「星爺之後越來越紅，直到1990年的《賭聖》，創下電影票房紀錄，從此奠定地位。但佢簽咗修哥10部片約，又點解可以拍到《賭聖》？話說係外借星爺畀劉鎮偉去拍。見電影咁賣座，於是修哥自己都開戲，拍咗《龍的傳人》同《情聖》，但好遺憾兩部戲都唔係好賣座，修哥就覺得點解人哋拍就賣座，佢拍就冇咁賣座呢？就喺呢個時候，永盛老闆向華勝同向華強想搵星爺拍戲，修哥決定賣晒片約畀永盛，反正賺番中間價，呢個中間價都幾多，賺番個錢就算。星爺就係咁拍咗一系列《逃學威龍》、《唐伯虎點秋香》、《九品芝麻官》呢啲經典電影，奠定佢嘅地位。」

（↓點擊放大睇圖片↓）

細龜分析當年不是修哥慧眼識英雄搵星爺，星爺不會有翻身的機會，再者如不肯將片約賣給永盛，星爺亦不可能屢創奇蹟，拍出不同類型又精彩的電影，「當然有人會話星爺係一個最後會發光嘅石頭，就算1992年、1993年拍唔到《逃學威龍》等電影，到最後都會發光發熱。大家冇諗到一樣嘢，到咗1995年，因為盜版關係，香港電影進入低谷，當時無論拍咩電影，都會畀盜版搞到票房好差，若果星爺錯過咗1991年至1995年嘅黃金時間，佢嘅成就肯定受到限制。可以講星爺係幫咗李修賢賺咗好多錢，而李修賢亦奠定咗佢嘅地位。當然亦有好多人話佢哋唔啱，好似勢成水火，呢啲係外人睇法，我嘅聽聞係星爺一直都好感恩修哥，而修哥亦一直好讚賞星爺，話佢嘅演技係另類、別創一格，前無古人亦後無來者，所以大家唔好成日懷疑佢哋兩個有心病。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】