【聲明】港生活網站並無進行電話推廣活動

雙Anson爆肌拍廣告成熱話 姜濤柳應廷願露肉:下次考慮我哋

發佈時間: 2021/10/04

人氣男團MIRROR成員姜濤、柳應廷(Jer)和陳瑞輝(Frankie)昨早到旺角出席口罩快閃活動,提到隊友盧瀚霆(Anson Lo)及江生(Anson Kong)爆肌拍攝內褲廣告,成為全城熱話,一向惜肉如金的姜濤,搞笑稱若Jer也肯露肉拍攝,自己一定奉陪。

盧瀚霆及江生半裸上陣拍攝內褲廣告,大曬胸肌、腹肌,又解開褲頭,令鏡粉大呼流鼻血。Jer自誇夠膽挑戰露肉:「下次可以考慮下我同姜濤!」姜濤搞笑回應:「你得我就得!」Jer透露過往每星期做一次gym,現在可能每星期做兩次;姜濤即踢爆Jer凌晨拍MV時食宵夜,Jer解釋因工作壓力大,才吃東西減壓。提到雙Anson的半裸照,Jer大讚:「梗係勁啦,使唔使去到咁盡呀?佢哋為咗呢個廣告操咗好耐,真係好犀利、好勤力,自己都要努力啲。」

昨日有數百位鏡粉在現場等候,有人更前晚九點已到場霸位,三人感謝粉絲支持,但更想粉絲身體健康,不希望他們排通宵。提到MIRROR口罩被炒至600至900元不等,姜濤說︰「唔好幫襯炒家,大家用原價去買啦。」此外,姜濤的個人單曲《Dear My Friend,》登上流行榜冠軍,他說:「其實我嘅初心係送畀朋友,希望呢位朋友在天之靈都可以聽到。」至於Frankie坦言無諗過出solo歌曲:「不過如果一出就會係我嘅代表作,所以要諗過度過先,喺適當時候會向花姐(經理人黃慧君)提出。我對自己唱歌未滿意,尤其Jer企喺我隔籬!而我私下都有上堂學唱歌。」

魯庭暉爆姜濤堅持復工

另外,ViuTV高層魯庭暉昨日在網上分享欣賞拉闊音樂會的感受,他大爆早前曾不適暈倒的姜濤堅持要開工:「早排唔舒服嗰個(姜濤),我叫咗佢去食多啲嘢,唔准再驚肥skip晒啲野,叫佢唞多兩日,唔畀佢咁快開工,佢就打嚟唔畀我唔畀佢開工。」姜濤在拉闊重新演繹《全民造星》主題曲《前傳》,魯庭暉透露特別傳短訊給姜濤大讚:「編得好,你亦handle得好。」

採訪:Pauline

攝影:林良明

美術:梁政敏

雙Anson爆肌拍廣告成熱話 姜濤柳應廷願露肉:下次考慮我哋

三人希望鏡粉身體健康,不想他們辛苦排通宵。