《#後生仔傾吓偈》停播｜麥明詩讚馮盈盈率真幽默轉數快 佩服陸浩明主持功力：係一位好前輩

無綫J2台王牌節目《#後生仔傾吓偈》，由2017年開始播出，日前播出最後一集，一眾台前幕後及同觀眾都非常不捨。《#後生仔》嘅元祖主持陣容陸浩明、馮盈盈（FYY）同麥明詩（Louisa）一向都有奇妙嘅火花，三人互補不足，佢哋合作主持節目時可觀性最高。後來麥明詩轉行做商業顧問而退出，佢同合作過嘅班底依然感情深厚。

同場加映：【娛樂直擊】張小倫獲三家電視台邀請講鬼故 被問到張家朗廣告造型佢話...

{{hket:ul-video id="4335"}}{{/hket:ul-video}}

{{hket:inline-image name="244027301_401896451310541_2667701152653010501_n.jpg"}}{{/hket:inline-image}}

節目告一段落，陸浩明、馮盈盈同麥明詩大家都難免有啲傷感，佢哋三個徇眾要求，喺節目以外合體，網民梗係唔收貨，話想睇到佢哋再合作做節目呀！陸浩明喺IG留言：「大家話last集後生仔節目冇咗Louisa好似有啲可惜，好啦……徇眾要求我哋三位元祖MC都約咗食飯,，傾足三粒鐘！內容相當Juicy，如果係節目真係不敢想像！四年前第一次合作，大家個樣樣都變咗好多or好少？我哋之間就多咗一份默契、友誼……會期待我哋再做Talk Show？」陸浩明話好多謝Louisa，每次同佢開廠總有驚喜、得著。網民就話佢哋三個都冇咩點變，係麥明詩箍咗牙，雙頰削咗唔少！

而麥明詩就對兩位拍檔讚譽有加，她在IG表示︰「A big thank you to my partners，雖然大家已經喺唔同嘅地方工作，走唔同嘅路，但係幾年嘅合作同埋傾偈，已經建立咗不一樣嘅默契。陸浩係一位好好嘅前輩，喺好多好尷尬嘅場面拯救咗我哋，又會畀空間後輩發揮，教我哋好多技巧。觀眾未必睇到佢嘅功力有幾高；當冇事故發生，就係因為佢喺背後做咗好多嘢。FYY更加唔洗講，轉數快、幽默、率真，鏡頭前鏡頭後同佢傾偈都雞啄唔斷，大家真係好get到大家（至少我覺得啦）。而家冇得個個禮拜同你傾偈真係有啲唔捨得。我哋終於畢業啦，我真係恭喜大家唔使再扮後生仔啦！另外，多謝Mr R，佢喺背後幫咗/保護咗/救咗我哋無數次！」

圖片來源：Instagram