超抵史諾比Staycation 包3餐兼送禮品包

疫情下唔少人去Staycation就當去咗旅行，黛安收到風，Klook最近同香港維港凱悅尚萃酒店合作，推出咗「史諾比開心宅度假」住宿體驗，即日起至11月29日，逢星期一至四，每晚房價只需$2,180+10%起，即可入住史諾比主題標準客房，連雙人自助晚餐及自助早餐，仲可以享用「約會史諾比二人甜點套餐」㖭。

另外，客人可獲贈「史諾比伴你回家」禮品包，包括史諾比手提布袋、毛巾及真空保溫瓶，同埋可以去山系主題房間打卡，包3餐仲有禮品包，計落條數真係好抵。

如果想同愛犬一齊放假，可考慮入住「毛孩友善樓層」嘅主題客房，逢星期日至五及公眾假期入住，每晚收費$1,599+10%起，除咗可享有上述優惠外，仲會送「狗狗歡迎禮包」，如果想同毛孩放電，又可以使用酒店西座專為毛孩而設嘅草地Upper Farm，同狗狗一齊玩，真係好開心㗎。入住條款及細則，可參考酒店官網資料。