楊洛婷避談舊公司迫整容︰發文係想冧老公

楊洛婷（Rabeea）、周汶錡（Kathy）及衛蘭等，昨日出席醫學美容活動。樂隊Dear Jane早前完成五場紅館騷，身為主音黃天翱（Tim）太太的Rabeea有感而發在IG發文放閃，文中更自爆曾被舊公司強迫整容，但她堅拒就範被掟入「雪櫃」，惹來網上熱烈討論。有網民猜測「舊公司」是她效力十多年的無綫。

昨日Rabeea現身成焦點，但她刻意避談說︰「發文都係想冧老公，好欣賞佢同幾位隊友多年嘅努力及堅持。（矛頭指向無綫？）唔係特登講舊公司。（文中的舊公司是指無綫？）其實我做過好多間公司，唔止一間舊公司，唔講呢啲喇，只想帶出正面信息。」Rabeea不反對別人整容，認為非常普遍，但每個人有不同想法。另外，47歲的Kathy已育有兩位公子，問到可考慮追多個女兒？她笑言︰「追唔到喇，依家湊兩個仔已經好辛苦，唯一好處就係瘦咗。」

採訪：Steven

攝影︰林良明