移英報喜｜林子博落實為地產公司 直播宣傳 做番老本行：個人定咗好多

前無綫娛樂新聞主播林子博早前帶同一對子女低調移民英國生活，並於網上開設個人頻道，拍片分享他的新生活點滴。由於子博未安排到16歲大女詠渝及12歲幼子卓楠上學，現在亦只暫時住在當地的酒店，一度被網民誤會他未做足準備就出發；不過他在第1條影片中就已表明10月有新工作，指很早已透過視像見工，明顯並不是「沒準備」。日前子博發布的第3條影片中就有他首日返工的片段，見他幫地產公司直播宣傳，極快適應新人事新環境，不少人睇完都叫佢加油。

{{hket:inline-image name="10052002.jpg"}}{{/hket:inline-image}}

{{hket:inline-image name="10052004.jpg"}}{{/hket:inline-image}}

同場加映：【娛樂直擊】張小倫獲三家電視台邀請講鬼故 被問到張家朗廣告造型佢話...

{{hket:ul-video id="4335"}}{{/hket:ul-video}}

林子博落地英國後有喜訊公布，就是他將加入當地一間地產公司，主力做市場推廣及直播的主持人，他說：「喺第1條片完結之前，我就話過咗嚟一個月之後就會番一份新工，大家會諗我點解咁快搵到嘢做呢？係咪做番呢一行呢？係一半一半啦，我喺一間地產公司做Marketing，做宣傳同埋教佢哋拍片。我當然會上鏡，佢哋會做直播，我就做主持幫觀眾問問題，亦諗啲問題去問兩位專家。」子博透露兩位專家即是地產公司老闆，他們9歲時由香港移民到英國，所以對當地很熟悉，包括教育、旅遊及租樓買樓等方面，「其實呢份工唔係過到嚟先搵，我喺香港時一路同呢間公司傾緊，半年前大家已經傾有冇機會合作。本來冇諗過咁快開工，但係喺度又悶悶哋冇咩做，又未有地方住，不如開咗工先。」

林子博移英一個多月嘆「唔容易」 租唔到樓住酒店子女難撲學校【下一頁】

這條影片更有子博執到正，首日駕車返工的過程，他話：「今日第1日返工做咩呢？率先會做個直播，2個老闆會坐喺度解答觀眾問題，我就會問啲升學、置業、租樓同呢度落腳問題，盡量去幫睇緊直播嘅網民，提出佢哋想知嘅問題。」子博亦有訪問兩位老闆，對方表示雙方是合作關係，很喜歡子博充滿創意的頭腦，而子博解釋是透過喬寶寶認識老闆，「大家傾吓傾吓就叫我過嚟，話可能有咩合作，好似咁快，人未到、Visa都未出就已經有工做，好開心，個人定咗好多。」

（↓點擊放大睇圖片↓）

不少網民對於子博有新工作，都紛紛留言以示支持，「真係好開心你可以搵到你屬於自己範疇的工作，不但容易適應亦能發揮所長！加油呀子搏」、「萬事起頭難，但我相信只要齊心一定會越來越好，預祝你和仔女事事順利，幸福快樂！」、「恭喜你已搵到工做，唔使擔心日後嘅生活，慢慢嚟，船到橋頭自然直，帶子洪郎唔簡單，加油」及「恭喜子博，繼續支持你。咁快就搵到踏腳石已經好好啦，慢慢來，一天比一天好，加油」。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】