《魷魚遊戲》丨譚俊彥被封港版李政宰感尷尬 「456」成新花名：好似一路抽人水咁

近期hit爆的Netflix韓劇《魷魚遊戲》正在熱播，不少戲迷都認為男主角李政宰與譚俊彥撞樣，從而令大家好有親切感。今日，這個「港版李政宰」譚俊彥與陳煒現身將軍澳電視城，為李家鼎、曹永廉及三姐（蕭秀香）主持的節目《教煮爭霸》擔任嘉賓。

{{hket:ul-video id="4325"}}{{/hket:ul-video}}

{{hket:inline-image name="2.JPG"}}{{/hket:inline-image}}

{{hket:inline-image name="3.JPG"}}{{/hket:inline-image}}

對於被指撞樣，出街時有否被人認錯為韓星李政宰﹖譚俊彥笑說：「反而啲同事成日同我講笑，好多朋友都話我哋好似樣，其實有啲尷尬，朋友叫我『456』（李政宰在《魷》劇中，飾演456號玩家），又唔可以唔啋人，但係套劇真係唔係我拍嘅，唔好好似一路抽人水咁；其實我覺得係撞咗個造型啫，同我喺《法證先鋒IV》入面嘅造型，髮型、鬍鬚係有啲似。」在旁的陳煒表示：「嗰陣佢（譚俊彥）肥少少，如果唔係更加似。」

《魷魚遊戲》｜譚俊彥撞樣李政宰獲圈中人認證 收遊戲邀請卡即刻耍手擰頭【下一頁】

由於譚俊彥主演的劇集《換命真相》，他笑言是一個宣傳的好方法，「多謝咁多位咁留意，對我嚟講，因為我就嚟有劇出，對我宣傳有個好開始，大家話睇韓劇有親切感，而家可以睇返我喇！」譚俊彥指李政宰是他一位很尊重的演員，大讚對方完美地演繹這個角色，令到戲迷喜愛，所以視對方為學習對象。至於陳煒在出道時，已被人覺得似已故天后梅艷芳，陳煒說：「我出道嘅時候係短頭髮，自己從來都唔覺得，但啲人講講吓，又好似係喎！」譚俊彥表示：「其實係似，因為我同梅姐合作過幾套戲，側面同神韻係有少少似，其實我覺得都係造型問題，造型係千變萬化。」

譚俊彥泡菜劇《魷魚遊戲》做男一？ 撞樣韓國史上最年輕影帝李政宰【下一頁】

在節目中，譚俊彥和陳煒拿起鑊鏟，分別炮製蟹餅、大頭蝦柚子沙律、焗釀蟹蓋。雖然兩人都是煮得之人，但他們都謙稱要向鼎爺和三姐偷師，譚俊彥笑說：「我只係住家男人，可以嚟到呢個擂台，我已經攞定本簿出嚟抄。」陳煒則說：「我完全係師奶仔，業餘㗎咋，呢位起碼係副業嘅大廚（指譚俊彥），我都要向佢學習。」譚俊彥即指自己不懂煮中餐，只懂得煮炒飯。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】