撞樣《魷魚遊戲》李政宰 譚俊彥拒再消費對方

Netflix劇集《魷魚遊戲》全球熱播，有網民熱議港版演員名單，其中譚俊彥（Shaun）被指與男主角李政宰撞樣。Shaun昨日錄影節目時表示，最近經常被叫「456」（李政宰劇中名字），讓他大感尷尬，自己亦不想再抽對方水，但他直言希望《魷魚》熱潮能為新劇起正面的宣傳作用。

李家鼎、蕭秀香（三姐）、陳煒（煒哥）和譚俊彥昨日錄影節目《教煮爭霸》，對於被指與《魷魚遊戲》男主角、韓國影帝李政宰撞樣，Shaun表示︰「其實好耐之前我都有睇過對方拍嘅劇集，一直覺得對方演任何角色都好有功力，係我嘅學習對象。依家公司好多同事都叫我『456』，其實有時都覺得尷尬，又唔可以唔睬佢哋，但套劇始終唔係自己拍，我都要尊重番呢位演員，免得一直被人話我抽水。」不過Shaun直言，他主演的台慶劇《換命真相》即將播出，希望能受惠於《魷魚遊戲》的撞樣效應，提高收視。

想跟陳煒學廚

另外，Shaun和煒哥將在《教煮》中一較廚藝，Shaun表示每天都會下廚︰「老婆都話好食，但我覺得自己仲要跟煒哥學習。今次會煮大頭蝦柚子沙律，對減肥有幫助；我多數會親自煮營養餐，因為食雞胸食到頂唔順，惟有用自己嘅方法，去煮一啲好食又可以減肥嘅菜式。」

至於廚藝精湛的煒哥，同樣謙稱少煮西餐，所以今次是來學習。煒哥透露男友喜歡食海鮮，因此自己會多煮海鮮的菜式；她又認為烹飪千變萬化，下廚的人一定要花心思，吃的人才會開心。

採訪：Pauline

攝影：林良明

美術︰梁政敏