【聲明】港生活網站並無進行電話推廣活動

伴舞出身做歌手不忘初心 Anson Lo︰企喺舞蹈員立場去諗

發佈時間: 2021/10/06

人氣男團MIRROR成員盧瀚霆(Anson Lo)最近推出全新單飛快歌《Megahit》,MV至今狂吸近300萬點擊率,不少人看過他精湛的舞技後,甘心臣服成為神徒(Anson Lo粉絲)。舞蹈員出身的Anson Lo,深深體會在明星背後伴舞的辛酸,如今成為站在前面的主角,他不忘初心,盡力恩待跟他一起奮鬥的舞蹈員們。

Anson Lo的跳唱新歌《Megahit》,歌詞特別「洗腦」,加上「食鬼」般的舞蹈手勢,引來網上一片「Megahit Challenge」模仿熱潮。Anson Lo說︰「我好希望做一首大家一齊唱同跳嘅歌,以前我嘅跳舞歌,例如《一所懸命》、《EGO》同《Burn Out》,大家睇我跳舞睇得好開心,但收到好多意見話舞步好難學、好難跟。所以我想出一首歌,幻想將來出騷,遞個咪畀觀眾時,全場可以一齊唱,或者一齊做手部動作,所以我一聽到《Megahit》demo,就知道係我想要嘅嘢!」

舞蹈員出身的Anson Lo,又跳又唱當然手到拿來,是否視快歌為「食糊」之作?他坦言︰「反而唔係,出道以來,身邊好多工作人員都同我講(跳唱)好難行,因為大部分香港人鍾意聽抒情歌。雖然唔係百發百中嘅一條路,但我好想堅持;由《全民造星》開始,我都鍾意跳唱表演,因為跳唱係我鍾意嘅嘢,亦比較擅長。」

Anson Lo坦言過往認為做藝人是遙不可及的事,但當他站在演唱會舞台上為歌手伴舞,體會受觀眾注視的一刻,令他非常難忘。「依家我做幕前,更加會企喺舞蹈員立場去諗,因為大家真係好艱辛,收call就最早到,等又等最耐;而且舞蹈員要有隨時ready嘅狀態,隨時都要跳,比普通人更攰。所以我盡量照顧大家,包括舞蹈員同我一齊工作時嘅飲飲食食。我試聲、試位時,盡量叫排舞老師畀大家入房休息,因為我知我嘅歌舞步好繁複,要好多力量去演繹,望住佢哋,我有種愧疚感覺,但唔好意思,為咗效果好睇,大家一齊奮鬥!」

化身天使幫助粉絲

《Megahit》MV找來鄭中基、鄭欣宜及何啟華(阿Dee)客串,Anson Lo感恩一路以來得到很多天使幫忙,他坦言出道頭一年,因太在意別人的目光和看法,不敢表達自己想法,令經理人黃慧君(花姐)罵他官腔,神徒覺得他報喜不報憂。「人與人之間如果太多顧慮,就唔會願意溝通;但其實就算性格唔一樣,都可以傾談,交流可以碰撞出新嘅諗法。」今年他慢慢改變,在工作上放膽提出自己的想法跟夥伴討論,令事情更圓滿。工作上有天使幫忙,Anson Lo同樣化身天使,為歌迷拍片打氣,特別是情緒低落的粉絲,「拍片好容易,看似簡單,但一個小行為可以鼓勵到一個人,我覺得好奇妙。」

請【按此】瀏覽相關資訊

化粧︰Circle Chong、Cori Wong@Annie G. Chan Makeup Centre

髮型︰Denny Ku @ Chic Private i Salon

撰文︰楊安莉

美術︰梁政敏

攝影︰何家賢

伴舞出身做歌手不忘初心 Anson Lo︰企喺舞蹈員立場去諗

Anson Lo(左)曾在陳慧琳的歌曲《打字機》MV中伴舞。(網上截圖)

伴舞出身做歌手不忘初心 Anson Lo︰企喺舞蹈員立場去諗

Anson Lo最近半裸曬肌拍攝內褲廣告,令品牌店舖大排長龍。(IG圖片)