Stanley@MIRROR擔心女友印度之旅 Alina患高山症：冇同佢講

MIRROR成員Stanley（邱士縉）的女友Alina（李炘頤）最近在自己的YouTube頻道，先後上載在2019年與好友Yoshi（余逸思）去印度旅行的兩段「炘頤遊記」片段。由於兩人的檔期難遷就，Alina率先出發前往印度，她在當地導遊帶領下，品嚐印度拉茶和炒麵，還參觀了最出名的恆河，不過由於當日連場暴雨，Alina被淋到濕透；返回旅館後，原來她早已自備床單，她說：「聽講旅館隨便拍一拍就當係換咗床單，所以我都係決定自己帶床單嚟。」

同場加映：做手術除膿｜寶珮如拍劇突然面癱憂中風 全身麻醉留陰影：好驚醒唔番

{{hket:ul-video id="4383"}}{{/hket:ul-video}}

{{hket:inline-image name="134726925_462355988093133_6023215027037747517_n.jpg"}}{{/hket:inline-image}}

{{hket:inline-image name="34.jpg"}}{{/hket:inline-image}}

在另一條片中，見Yoshi終於到埗會合Alina，她們參觀Humayun's Tomb（胡馬雍陵）時，站在一位疑似保安員的男人前面的Alina，望住自拍鏡頭說：「我哋又被人呃啦！」後來見Yoshi給保安員小費才獲放行，Alina問Yoshi有何感受？Yoshi苦笑說：「佢求其撳咗兩張相，就話自己係super photographer（超級攝影師）。」原來對方只是想索取小費。之後，兩人前往喜瑪拉雅山，Alina和Yoshi表示去了海拔5千多米之後，嘴唇都變了紫色。翌日，Yoshi開心品嚐地道早餐時，坐在對面的Alina卻死氣沉沉，原來她患了高山症，她說：「好唔舒服，好頭痛，我決定要去買藥食，咁樣落去唔係辦法。」

《大叔的愛》｜Stanley@MIRROR與女友Alina愛巢曝光 溫馨窩居海景露台睇日落勁浪漫【下一頁】

Alina和Yoshi分別接受《晴報》訪問，Alina坦言沒有想過自己會患高山症，所以事前沒有任何準備，問到男友Stanley知不知情？Alina說：「Stanley其實喺我出發前已經好擔心，所以我更加冇同佢講過（患高山症）。患高山症最辛苦嘅地方係個頭有種就嚟爆炸嘅感覺，完全瞓唔到覺，上咗高山冇網絡冇藥食冇舖頭，所以死頂，好彩命大，落山嘅時候，我成個頭有放氣球嘅感覺。」

《全民造星III》Cloud票數領先開場盡見大將之風 Alina性感高難度舞步搶晒鏡【下一頁】

Alina表示去印度兩星期的花費約一萬元，「主要係飛去北印度嗰程機票貴，住宿好平，只係有時被當地人呃吓啲影相費，同埋我準備咗廿幾個日本杯麵，因為我個人唔係好鍾意食咖喱，所以我好早已經食晒啲杯麵。」問到有沒有趣聞？她笑說：「所有行程都係即興，同埋原來去北印度一定要有BNO先入到一啲特定嘅區域，令到我哋本身要去好靚嘅景點都去唔到，同埋有次諗住去沙漠騎駱駝，點知去咗一個工地，但個印度人同我講呢個就係沙漠。我哋好好彩，遇到一個識講廣東話嘅印度人，佢喺我哋買嘢被人呃嘅時候，救咗我哋，之後仲同我哋周圍去玩。」

邱士縉生日廣告現後巷【下一頁】

{{hket:inline-image name="32.jpg"}}{{/hket:inline-image}}

{{hket:inline-image name="33.jpg"}}{{/hket:inline-image}}

{{hket:inline-image name="35.jpg"}}{{/hket:inline-image}}

{{hket:inline-image name="36.jpg"}}{{/hket:inline-image}}

{{hket:inline-image name="37.jpg"}}{{/hket:inline-image}}

{{hket:inline-image name="38.jpg"}}{{/hket:inline-image}}

{{hket:inline-image name="39.jpg"}}{{/hket:inline-image}}

至於Yoshi表示因擔心水肚不服，所以事前準備了一箱杯麵。提到患高山症，Yoshi說：「有一日，司機話帶我哋去睇景點，上到一個地方，都唔知自己去緊邊，無啦啦我個嘴紫晒，跟住司機叫我哋落車，去石碑影張相……嗰度勁凍，我冇高山症，但有低溫症，我唞唔到氣啦，我係爬去石碑度影，心諗有乜好影，司機話個個遊客都影，原來嗰度係5000幾海拔咁高，但我哋喺冇任何止痛藥、輔助工具之下，上咗5000幾海拔嘅地方，所以呢單嘢都好癲。」由於已經天黑，兩人要在該處過一晚，但因為沒有酒店、民宿可租住，她們只能拍人家的門，望能借宿一宵，Yoshi續說：「我哋因為有低溫症同高山症，所以好攰，雖然嗰度超凍，間房勁多蜘蛛，但我哋已經理唔到咁多；第二朝起身，見到落雪，印度落雪喎！呢個經歷令我哋成長，一來死唔去，二來好似人生經歷咗一啲嘢，所以呢個幾開心。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

同場加映：筋骨痛症︳縮膊玩手機懶做運動恐致周身痛 上門按摩師警告3大不良習慣致勞損

{{hket:ul-video id="4351"}}{{/hket:ul-video}}