從演22年｜馬國明揸槍定揸手術刀有型？ 曾至少13次演醫生入型入格

2019年馬國明主演的《白色強人》大受歡迎，最高收視達32點，亦令佢成為《萬千星輝頒獎典禮2019》視帝大熱，最終以大熱姿態獲得「最佳男主角」，係佢入行20年的首個視帝獎項。翌年馬國明再憑《On Call 36小時》飾演的神經外科專科駐院醫生張一健（一件頭）及《降魔的》成為當年視帝大熱，但最終只獲得「最受歡迎電視男角色」。

同場加映： 【娛樂直擊】《魷魚遊戲》丨譚俊彥被封港版李政宰感尷尬「456」成新花名：好似一路抽人水咁

{{hket:ul-video id="4325"}}{{/hket:ul-video}}

{{hket:inline-image name="244401864_1054155132027509_5899741475405961472_n.jpg"}}{{/hket:inline-image}}

馬國明兩次憑演「醫生」獲殊榮，其實自1999年從訓練班出道後至今，馬國明飾演得最多嘅角色就係「醫生」！

1.《白色強人》（2019年）心胸肺外科主管唐明

由馬國明、郭晉安、唐詩詠、李佳芯等所主演的無綫醫療劇集《白色強人》，主要講述醫護人員如何利用最先進的醫療科技來救助病人，同時亦有提及最受關注的醫療改革問題。而劇中馬國明係飾演一名心胸肺外科主管醫生。

2.《心理追兇 Mind HunHunter》（2016年）臨床心理學家

由馬國明、蔡思貝及王君馨主演、米雪及湯鎮業友情客串演出的劇集《心理追兇 Mind HunHunter》，係一套時裝犯罪、懸疑的劇集。劇中，馬國明飾演名臨床心理學家「鍾泰然」，之不過最後患有反社會人格障礙，卻不肯承認，並因曾秀怡（湯洛雯 飾）不再存在於想像中而開車直衝落大海中自殺。

3.《On Call 36小時》（2012年）神經外科專科醫生

由馬國明、楊怡、羅仲謙、黃智雯同黃淑儀主演的《On Call 36小時》第一季喺2012年播出，講述醫生每次當值的時間為26小時，而由馬明所飾演的張一健（一件頭）更加奠定佢一線小生之位；再加上劇集極受觀眾歡迎，所以喺2013年時即開拍第二輯《On Call 36小時II》，仲邀請到久未露面嘅吳啟華參演。

4. 《天涯俠醫》（2004年）山區義診

由李修賢、汪明荃、王喜及宣萱所主演的《天涯俠醫》中，馬國明於劇中飾演石醫生，喺第18-21集中出現。

5.《流金歲月》（2002年）診所醫生

由羅嘉良、溫兆倫、宣萱、林峯、葉璇及向海嵐所主演的《流金歲月》，馬明喺劇中飾演一名診所醫生，當時佢嘅知名度並不高，只係喺第36集中出現。

6.《封神榜》（2001年）大夫

由陳浩民、錢嘉樂、葉璇、苑瓊丹、元華等人所主演的經典古裝劇集《封神榜》，當年播出時都已經成為收視之冠，而近年亦曾多次重播。不過馬明並唔係飾演咩神佛，而係一名為琵琶診斷懷孕嘅大夫。

7.《紅衣手記》（2001年）急症室醫生

由佘詩曼、康子妮、陳鍵鋒所主演嘅劇集《紅衣手記》，馬明當時角色係一名急症室醫生。

8.《酒是故鄉醇》（2001年）民初腦科醫生

由林家棟、佘詩曼、鄧萃雯、馬德鐘及秦沛所領銜主演嘅劇集中，馬國明飾演一名腦科醫生，並喺第6集中出現。

9.《雷霆第一關》（2000年）過鏡醫生

由李修賢、汪明荃、王喜及宣萱等人所領銜主演，而當年只係馬明從訓練班出來嘅第二年，所以喺劇中並沒有太大的發揮。

10.《無業樓民》（2000年）26歲普通科醫生

由劉松仁、伍詠薇、江華及張燊悅領銜主演的劇集《無業樓民》，主要講述香港人受到亞洲金融風暴的影響而淪為負資產人士後嘅生活寫照，而該套劇集亦係馬明畢業後參演嘅第四部劇集，劇中演一名普通科醫生。

今日馬明喺社交平台post出自己揸槍嘅相，問大家覺得佢揸手術刀有型定揸槍有型，唔少粉絲都大讚佢演咩都入型入格，都有人講笑話覺得佢揸的士最型！不過睇番馬明嘅個人資料，佢從演22年只係演過7次警察，但計埋未播出嘅《星空下的仁醫》以及《白色強人II》，佢演醫生嘅次數多達13次，睇嚟佢嘅氣質真係好啱做醫生呀！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】