今年只出過一次糧 陳卓賢拍拖講心唔講金

人氣男團MIRROR成員陳卓賢（Ian）昨日現身中環出席珠寶品牌活動，問及今次酬金可有加碼？Ian表示︰「其實我都唔清楚，都係交畀公司決定…我年頭出過一次糧咋，所以要慳啲使，好彩自己無乜大消費，最大開支都係喺屋企。」提到Ian女友盧慧敏（Amy）日前28歲生日，Ian透露兩人只是簡單慶祝︰「送祝福囉，都有禮物嘅，心意啦…物質生活唔重要，衣食住行應付到就得，我哋講求心靈上（的交流）。」

另外，提到最近有rapper公開批評MIRROR只賣樣但不懂唱歌，Ian直言沒有嬲︰「音樂係好自由去表達意見嘅渠道，代表自己發聲。但首先我都多謝佢覺得部分成員靚仔，除咗表面上靚仔，私下我哋都付出好多努力，上好多堂學唱歌，希望大家睇得出我哋有努力。」

採訪︰Pauline

攝影︰林良明