《東張西望》主持│黃穎君望子入名校被網友斥怪獸 「我都唔係贏在起跑線嘅人」

32歲的《東張西望》主持黃穎君（Burmie）近日接受網上教育平台訪問，由於標題寫上「先苦後甜 望兒子入讀傳統名校」而引起家長們的反感，認為Burmie作為公眾人物不應該鼓吹「怪獸家長」的風氣，催谷下一代要考入名校而壓力大增。家長們網民們留言︰「有時做人不需要甚麼叫名校嘅。我想知為甚麼要讀名校？」、「能醫不自醫啊親！理想與現實，理論與實戰，識人好過識字嘛！」等等。

同場加映：【娛樂直擊】張小倫獲三家電視台邀請講鬼故 被問到張家朗廣告造型佢話...

{{hket:ul-video id="4335"}}{{/hket:ul-video}}

育兒之道︳黃穎君認教仔同老公有分歧 自編親子課程花5位數臉不改容【下一頁】

{{hket:inline-image name="243197029_288042569799666_8577500429752898217_n.jpg"}}{{/hket:inline-image}}

Burmie接受《晴報》電話訪問，對於網友們斥她是怪獸家長，她表示：「我覺得小朋友自律好緊要，所以幫佢報讀傳統學校，希望校譽好，有外籍老師同埋基督教信仰，最緊要係陪伴同開解小朋友。睇番小朋友領悟能力，佢而家只係兩歲搵緊幼稚園，我報嘅都唔係名校，只係傳統本地學校。」

Burmie表示自己都是傳統學校成長，自己是「先苦後甜」的過來人，「唔係每個人出世就識做爸爸媽媽，揀間學校畀小朋友，如果中途讀得唔開心，做家長要將負面壓力轉化，轉化唔到可以轉校，唔係話咁快就決定一生。好似我小朋友而家返緊Playgroup，有獨立班，係冇爸爸媽媽陪住上堂，佢可能未夠大個應付唔到不安嘅情緒，喊足成個鐘頭，一返到屋企又好黐身，我就知佢未準備好……於是取消咗獨立班，繼續陪佢返啲父母陪同嘅Playgroup！陪伴係一個育兒過程。」

「龍貓嫂」黃穎君客串演羅仲謙老婆 產後未回戲自愧：「我對佢唔住」【下一頁】

Burmie本身在港大教育系畢業，投身社會後再修畢社會學碩士課程，她在YouTube不時分享自己育兒經驗，問到現時做「港媽」是否很大壓力？她說：「我又唔會用壓力去形容，好鍾意媽媽呢個新身份同新角色，反而花多咗時間觀察個仔需要，佢平時一洗頭就喊，因為唔適應、唔舒服，惟有轉移佢視線，慢慢等佢接受花灑。佢係我第一個小朋友，所有事都係好新奇。我都唔係贏在起跑線嘅人，但我唔擔心小朋友步伐追唔到，一切都要靠佢自己，夾硬推好嘢畀佢學？佢唔鍾意就唔鍾意㗎啦！」Burmie認為讀傳統本地學校有好處，有制度和學習進度可以跟隨，同學之間團體學習亦非常清晰，對小朋友學習自律是好好的途徑。

{{hket:inline-image name="FmVM0t_TLSOaLaZxLLkU6Uacki977SCbK8tEQCvLREA.jpg"}}{{/hket:inline-image}}

同場加映：【娛樂直擊】《魷魚遊戲》丨譚俊彥被封港版李政宰感尷尬 「456」成新花名：好似一路抽人水咁

{{hket:ul-video id="4325"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉