黃德斌再次「大叔」上身拍廣告 勁Cute宣傳流感疫苗

型男黃德斌早前憑《大叔的愛》一劇再次爆紅，他的角色「KK」可愛又癡情，非常入屋，帶挈德斌的廣告一個接一個。近日，德斌再次以「大叔」的造型現身，不過並非拍《大叔的愛》續集，而是為流感針拍廣告，見他不停擺可愛的「大叔甫士」，可愛表情令影樓嘩聲四起。

同場加映：MIRROR正副隊長｜AK Lokman舞蹈員出身無悔做歌手 「有時候呢種攰都係一種幸福」

{{hket:ul-video id="4342"}}{{/hket:ul-video}}

講對白驚到震丨黃德斌憶述當年拍《真情》超緊張「蝦叔」關海山教誨：唔使場場好【下一頁】

{{hket:inline-image name="NPS_7096.JPG"}}{{/hket:inline-image}}

58歲的德斌曾患流感，他說︰「以前發高燒睇完醫生食咗藥，都要瞓幾日幾夜，完全無胃口，病到起唔到身，我當時以為係一般傷風感冒，今日聽完專業人士講解，先知道呢啲原來係流感！好彩最終無事，如果唔係好似其他人咁出現併發症就大鑊！」他表示大部分人都未必懂得分辨流感和一般傷風感冒，作為廣告大使的德斌一早做足功課，「流感來得很快，短時間內會發高燒，肌肉痛還會感到疲勞，而且有機會出現併發症甚至死亡。年過50，或者有三高同長期病患者都係高危人士，所以50歲以上不論健康或者長期病患者，一定要每年打流感針來預防。」

《大叔的愛》紅到去日本│黃德斌負面情緒懷疑自己患抑鬱 對鏡自責：咁嘅衰樣唔會有工作【下一頁】

近年新冠肺炎肆虐全球，加上正值轉季，香港將踏入冬季流感高峰期，雙重夾擊絕對不容忽視。德斌說：「以往認為流感等同感冒，食藥後便會好，而家先知流感原來可以咁嚴重，而且自己都中過招！見過鬼仲唔怕黑咩？最近聽醫生講流感加新冠肺炎雙重感染會大大增加死亡風險！所以稍後我都會去打流感針，亦會推介畀身邊朋友和屋企人。」此外，德斌亦會勤洗手、戴口罩，做運動以保健康，他說：「平時一有時間就會跑步、踩單車。飲食方面，近年自己轉素食，最重要保持營養均衡。天氣開始轉涼，大家記得著多件衫保暖。」

{{hket:inline-image name="NPS_7078.JPG"}}{{/hket:inline-image}}

{{hket:inline-image name="NPS_6684.JPG"}}{{/hket:inline-image}}

同場加映：Sick問識答｜中醫講解有邊幾類食物經前忌食

{{hket:ul-video id="4328"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉