【聲明】港生活網站並無進行電話推廣活動

MIRROR正副隊長「揸正嚟做」 Lokman & AK : 花姐唔啱會坦白講

發佈時間: 2021/10/08

人氣男團MIRROR隊長楊樂文(Lokman)及副隊長江𤒹生(AK)早前推出合唱歌《虎道門》。《虎道門》歌名源自粵劇術語,意指表演者經過出場的一扇門走上舞台後,便要忘記自己身份,在台上盡情投入。二人舞蹈員出身到成為歌手,對舞台的熱誠依然,今次「乾柴」撞上「烈火」,將心中一團火盡情爆發。

提到今次組合的誕生,AK透露由《全民造星》時已渴望跟Lokman合作,當想做一隻有rap元素的跳舞歌,自然就想起Lokman。不少網民讚AK「大愛」,指他願意將solo機會與兄弟分享,AK笑指︰「其實我覺得又未去到大愛咁誇張,只係資源得咁多,加上以前《全民造星》比賽時我哋唔同team,我一直好想同阿Man(Lokman)喺台上表演;亦想其他人知道未出solo歌嘅成員都有佢嘅能力。」

「乾柴烈火」爆發能量

Lokman與AK在《虎道門》MV中化身日本暴走族,Lokman型爆rap住登場,更有爆肌場面。歌詞中提及「乾柴烈火」,Lokman表示「乾柴」與「烈火」正好代表他和AK,「AK永遠都有源源不絕嘅能量輸出,爆發力好強,有時候佢話好攰,但隔咗一陣佢就好有活力咁跳舞。我哋問佢頭先唔係話攰咩?所以佢就係『烈火』。我覺得我係『乾柴』,其實我爆發力都唔弱,但暗藏喺體內。只要你一撻着,我呢個『乾柴』就會燃燒。」

至於歌詞中的「正副分明」一句,AK指除了代表他們在MIRROR中的職責外,亦代表他們的處事方法,「我哋好多事都揸正嚟做,覺得件事唔啱就係唔啱,就算對方係花姐(經理人黃慧君),都會坦白話唔啱。我覺得我哋要肩負一啲責任,花姐先會畀呢兩個職位我哋。同時呢個職位亦會提醒我哋要進步,所以先寫這句歌詞。」Lokman大讚今次合作的成品比滿分更高分,「係呢三年組成MIRROR累積嘅默契。」

工作辛苦也是幸福

Lokman曾在《調教你MIRROR》中坦言失去了心中一團火,不過他今次演繹新歌,心中之火不知不覺重燃起來,「可能因為性格使然,只要我哋好投入做一件事,就會唔理其他嘢。亦可能係見到其他人好盡力時,我都覺得自己唔應該頹廢,身邊嘅人有同一想法,一齊向住目標進發,可以話係大家為大家重燃心中嗰團火。」提到隊友姜濤上月工作時不適暈倒,AK坦言偶然也有體力透支的時候,「每個行業都有艱辛嘅地方,最重要係我哋做緊自己喜歡嘅事。」Lokman補充說︰「有時呢種攰都係一種幸福,好似AK成日講,我哋自己揀㗎嘛,我哋頂得住,大家放心!」

另外,Lokman為拍劇剪去其標誌性長髮,他笑言滿意新髮型,「呢個髮色唔係角色需要,但既然剪到咁短、去到咁盡,不如再玩盡啲染埋白髮畀大家驚喜。」AK大讚Lokman新造型,「呢個髮型好難駕馭,因為臉型要好細,如果我剪呢個頭,塊面腫小小就好似魚蛋咁。」

【一按睇片】

化粧︰Giann Cheung @AnnieG. Chan Makeup Centre

髮型︰Man Chan @Chic Private i Salon

服裝︰Harvey Nichols, Giuseppe Zanotti

造型︰PIPA Creative

場地︰Jas Party

撰文︰林惠珊

攝影︰何家賢、黃紫維

美術︰顏玉玲

MIRROR正副隊長「揸正嚟做」 Lokman & AK : 花姐唔啱會坦白講

《虎道門》歌詞中的「正副分明」,正代表二人在MIRROR肩負的責任。(IG圖片)

MIRROR正副隊長「揸正嚟做」 Lokman & AK : 花姐唔啱會坦白講

工作繁重的AK有時要在車上補眠,但笑言「頂得住」。(IG圖片)

MIRROR正副隊長「揸正嚟做」 Lokman & AK : 花姐唔啱會坦白講

Lokman指MIRROR兄弟互相影響,一起為目標燃燒心中之火。(IG圖片)

MIRROR正副隊長「揸正嚟做」 Lokman & AK : 花姐唔啱會坦白講

Lokman在《調教你MIRROR》中,落淚剖白自己「無咗團火」。(網上截圖)